પ્રદુષણ / દિલ્હીમાં વાયુ પ્રદુષણનું સ્તર હજુ પણ 'ખરાબ' શ્રેણીમાં : કેન્દ્રીય પ્રદુષણ નિયંત્રણ બોર્ડ

• દિલ્હીમાં વાયુ ગુણવત્તામાં આંશિક રૂપે સુધારો
• રવિવારે સવારે દિલ્હીમાં પ્રદુષણનું સ્તર 'ખરાબ' શ્રેણીમાં રહ્યું
• દિલ્હીમાં સવારે વાયુ ગુણવત્તા સૂચકાંક (AQI) 281 રહ્યો

ત્યારે નોઇડા, ગ્રેટર નોઇડા, ફરીદાબાદ અને ગુડગાવમાં AQI ક્રમશ: 302, 297, 251, અને 253 રહ્યો. નોંધનીય છે કે એક્યુઆઇ 0-50 વચ્ચે 'સારો', 51-100 વચ્ચે હોય તો 'સંતોષજનક', 101-200ની વચ્ચે 'મધ્યમ', 201-300 વચ્ચે 'ખરાબ', 301-400 વચ્ચે 'અત્યંત ખરાબ', 401-500 વચ્ચે 'ગંભીર', અને 500ની ઉપર 'ખુબ જ ગંભીર અને આપાતકાલિન' માનવામાં આવે છે. 

દિલ્હીમાં શનિવારે હવાને કારણે પ્રદુષણ સ્તરમાં ઘટાડો નોંધવામાં આવ્યો હતો. જેથી તે 'ખુબ જ ખરાબ' થી 'ખરાબ' શ્રેણીમાં આવી ગયું હતું. આ દરમિયાન રવિવારે સવારે લઘુત્તમ તાપમાન 14.5 ડિગ્રી સેલ્સિયસ નોંધવામાં આવ્યો. હવામાન વિભાગે તાપમાન લગભગ 29 ડિગ્રી સેલ્સિયલ રહેવાની સાથે દિવસે તેજ હવા ચાલવાનું પૂર્વાનુમાન વ્યક્ત કર્યું છે. 

જ્યારે હવામાં ભેજનું સ્તર 76 ટકા નોંધવામાં આવ્યું. આ પહેલા શનિવારે મહત્તમ અને લઘુત્તમ તાપમાન ક્રમશ: 29.8 અને 15.6 ડિગ્રી સેલ્સિયસ નોંધવામાં આવ્યું હતું.