- કોવિડ-19ના નવા વેરિયન્ટનો દેશમાં પ્રવેશ
- ઓમિક્રોનનો સબવેરિયન્ટ છે BA.5.1.7
- લોકોને સાવધાન રહેવા અપાયું સૂચન
કોવિડ-19 અપડેટ: ભારતમાં આજકાલ એકતરફ કોરોનાનાં કેસો સામે આવી રહ્યાં છે તો બીજી તરફ કોવિડને લગતાં નિયમો પણ હટાવી દેવાયા છે. પરંતુ કોરોનાનાં નવા વેરિયંટે ફરી દેશમાં એન્ટ્રી લઇ લોકોની ચિંતામાં વધારો કર્યો છે. રિપોર્ટ અનુસાર કોરોનાનો આ નવો વેરિયન્ટ ઓમિક્રોનનો સબવેરિયન્ટ છે. જેનું નામ BA.5.1.7 છે. માહિતી અનુસાર આ વાયરસ અતિ ઝડપે ફેલાય છે. આ નવા વેરિયન્ટનાં પહેલાં કેસની માહિતી ગુજરાત બાયોટેક્નોલોજી રિસર્ચ સેન્ટરે મેળવી છે.
હેલ્થ એક્સપર્ટે સાવધાન રહેવા આપ્યું સૂચન
નવા વેરિયન્ટની એન્ટ્રી બાદ હેલ્થ એક્સપર્ટે લોકોને સાવધાન રહેવા સૂચન આપ્યું છે કારણ કે ચીનમાં કોવિડ-19નાં કેસો વધી રહ્યાં છે જેનાં કારણોમાં BF.7 અને BA.5.1.7 વેરિયન્ટ છે તેવું કહેવામાં આવી રહ્યું છે. ઓમિક્રોનનાં આ બંને વેરિયન્ટ અત્યંત ચેપી માનવામાં આવી રહ્યાં છે.
તહેવાર પહેલાં આવી નવી ચિંતા
હેલ્થ એક્સપર્ટે કોઇને પણ માસ્ક પહેરવાનું ન છોડવા કહ્યું છે અને જો કોઇ લક્ષણો દેખાય છે તો તરત જ આઇસોલેટ થવા જણાવ્યું છે. રિસર્ચ અનુસાર BF.7 વેરિયન્ટ અન્ય ઓમિક્રોન સબ- વેરિયન્ટની તુલનામાં પહેલાનાં વેક્સિનેશન અને એન્ટીબોડીથી બચી અને તમારામાં વાયરસ પ્રવેશી શકે છે તેથી તેનાથી ચેતી જવા સૂચન આપવામાં આવ્યું છે.
ચીનથી વિશ્વમાં ફેલાયો છે આ વેરિયન્ટ
એશિયાઇ હોસ્પિટલ ફરિદાબાદની ફિઝિષિયન અને સંક્રામક રોગ વિશેષજ્ઞ ડો. ચારૂ દત્ત અરોડા અનુસાર. ઓમિક્રોન સ્પોન નામક નવા વેરિયન્ટને ટેકનિકલ ભાષામાં BA.5.1.7 અને BF.7 નામ આપવામાં આવ્યું છે. જેનો કેસ ચીનનાં મંગોલિયામાં સામે આવ્યો હતો. માહિતી અનુસાર છેલ્લા 2 અઠવાડિયામાં આ વેરિયન્ટ USAમાં બે ગણો વધી ગયો છે. જો કે યૂકે, જર્મની અને ફ્રાન્સ જેવા યૂરોપિય દેશોમાં આ વેરિયન્ટનાં લગભગ 15-25% કેસ સામે આવી ચૂક્યાં છે.
BA.5.1.7 અને BF.7નાં લક્ષ્ણો
એક્સપર્ટે કહ્યું કે આ નવા વેરિયન્ટનાં લક્ષણો જૂના વેરિયન્ટ જેવા જ હશે પરંતુ એક ચોક્કસ સમયગાળાની સાથે જ તેના વિષયક માહિતી પ્રાપ્ત થશે. ડૉ.અરોડા અનુસાર શરીરમાં દુ:ખાવો આ વેરિયન્ટનો મુખ્ય લક્ષણો છે. જે લોકોમાં આ લક્ષણો જોના મળતાં નથી પરંતુ તેઓ સંક્રમિત છે તો તે વધુ લોકોમાં આ સંક્રમણ ફેલાવી શકે છે.
ડૉ. વેંકટગોપાલનનું કહેવું છે કે અમે આ નવા વેરિયન્ટનાં લક્ષણો વિશે માહિતી મેળવી શક્યાં નથી કારણકે અત્યાર સુધી એટલો ડેટા ભેગો થયો નથી. જ્યાં સુધી વિશ્વની વાત છે તો આ વેરિયન્ટ દુનિયાભરમાં ફેલાઇ રહ્યો છે. મોટા ભાગનાં લોકોની ટેસ્ટિંગ જીનોમ સીક્વેન્સિંગનાં માધ્યમથી થઇ નથી જેના લીધે કોઇ ચોક્કસ માહિતી આપવી મુશ્કેલ છે
