રસી / એક મહિનાના બાળકને પણ આપી શકાશે આ કંપનીની કોરોના વેક્સિન, ઓક્ટોબરમાં થશે ઉપલબ્ધ

• આ વર્ષના અંત સુધીમાં સીરમ બીજી 4 રસી બનાવશે
• ઓકટોબર સુધીમાં બાળકો માટેની કોવિડ રસી તૈયાર થઈ જશે
• કોવિશિલ્ડ એ મલેરિયા આધારિત વેક્સિન છે : સીરમ 

આ ઉપરાંત સીરમ કંપની આ વર્ષના અંત સુધીમાં 4 અન્ય રસીનું નિર્માણ પણ કરશે. 

શું બાળકોને પણ કોરોના વાયરસ રસી આપી શકાય છે? 

સીરમ સંસ્થાના અધિકારીઓના જણાવ્યા અનુસાર ટૂંક સમયમાં બાળકોને કોરોના રસી આપવામાં આવશે. સીરમ ઇન્સ્ટિટ્યૂટ ઓફ ઈન્ડિયાના એક્ઝિમ ગ્રૂપના ડિરેક્ટર પી.સી.નમ્બિયરે ટાઇમ્સ ઓફ ઈન્ડિયાને જણાવ્યું હતું કે બાળકો માટેની કોવિડ રસી આ વર્ષના ઓક્ટોબર મહિના સુધીમાં તૈયાર થઈ શકે છે. એટલું જ નહીં, બાળકોના જન્મના એક મહિનાની અંદર આ રસી આપી શકાય છે.

સીરમ સંસ્થા કોવિશિલ્ડ રસી ઉત્પન્ન કરી રહી છે. નંબિયારે આ વાત  કેરળના કોચીમાં એક કાર્યક્રમને સંબોધિત કરતી વખતે કરી હતી. તેમણે કહ્યું કે આ રસી, જે બાળકોને આપવામાં આવશે, તે બાળકોને સંક્રમણ લાગતી હોય તો જ આપવામાં આવતી દવા પ્રમાણે વિકસિત કરવામાં આવશે. તેમણે વધુમાં જણાવ્યું હતું કે સીરમ સંસ્થા વધુ ચાર કોવિડ રસી તૈયાર કરશે અને તે બધા આ વર્ષના અંત સુધીમાં ઉપયોગ માટે તૈયાર થઈ જશે.

ક્લિનિકલ ટ્રાયલ પૂર્ણ

નામ્બિયારે વધુમાં જણાવ્યું હતું કે જો ઝડપી પરીક્ષણનો તબક્કો પૂર્ણ થાય તો નોવાવેક્સ રસી જૂન સુધીમાં મળી જશે. તેમણે કહ્યું કે બાળકો માટે રસી ઓક્ટોબર સુધીમાં તૈયાર થઈ જશે. કોડેનેજિક્સના આશ્રય હેઠળ COVI-VAC રસીના બીજા તબક્કાના ક્લિનિકલ ટ્રાયલ્સ પૂર્ણ થયા છે.

તેમણે કહ્યું કે કેન્દ્ર સરકારની જરૂરિયાતને પહોંચી વળવા, એપ્રિલ સુધીમાં કોવિશિલ્ડ રસીની ઉત્પાદન ક્ષમતા 200 મિલિયન ડોઝ સુધી પહોંચાડી દેવાશે. 

કોવિશિલ્ડ તમામ કોવિડ પ્રકારો પર અસરકારક 

નામ્બિયારના જણાવ્યા મુજબ, કોવિશિલ્ડ રસી એ કોઈ ખાસ પ્રકારનાં કોવિડ સ્ટ્રેઇન પર આધારીત રહેવાને બદલે મેલેરિયા આધારિત રસી છે, જેથી કરીને કોવિડ -19 ના તમામ નવા પ્રકારો પર અસરકારક છે.