Coronavirus / કોરોના વાયરસનો નવો ટેસ્ટ : હવે 2 દિવસે નહીં, માત્ર આટલી મિનિટોમાં જ થઇ શકશે કોરોનાની પુષ્ટી

• અમેરિકી કંપનીનો દાવો, કોઇ વ્યક્તિ કોરોના વાયરસથી પોઝિટિવ છે કે નહીં તે પાંચ મિનિટમાં જાણી શકાશે
• આ ડિવાઇસથી કોરોના વાયરસની પુષ્ટી કરવામાં લાગતો સમય ઘટાડી શકાય છે

કંપનીનું કહેવું છે કે આ ટેસ્ટથી કોરોના વાયરસના કેસની ઝડપથી તપાસ થઇ શકશે. કંપનીએ ટ્વીટ કરીને તેની જાણકારી આપી. અમેરિકી કંપનીએ પ્રેસ રિલીઝમાં કહ્યું કે આ ટેસ્ટ તેના ID NOW પ્લેટફોર્મ પર હશે. આ એક નાની, હલકી અને પોર્ટેબલ ડિવાઇસ છે, જે મોલિક્યૂલર ટેક્નોલોજી પર કામ કરે છે. 

BREAKING: We’re launching a test that can detect COVID-19 in as little as 5 minutes—bringing rapid testing to the frontlines. https://t.co/LqnRpPpqMM pic.twitter.com/W8jyN2az8G

— Abbott (@AbbottNews) March 27, 2020

અબૉટ લેબે પ્રેસ રિલીઝમાં કહ્યું કે અમેરિકાની એફડીએએ કોરોના વાયરસ (Coronavirus)ની તપાસ કરવા માટે મોલિક્યૂલર પોઇન્ટ ઓફ કેયર ટેસ્ટ માટે આપાતકાલીન ઉપયોગને મંજૂરી (EUA) જારી કરી દીધી છે. આ ટેસ્ટ પાંચ મિનિટમાં પોઝિટિવ અને 13 મિનિટમાં નેગેટિવ રિપોર્ટ આપી શકે છે. હલ્કુ અને નાનુ હોવાને કારણે આ ડિવાઇસને ક્લિનિકમાં પણ પ્રયોગ કરી શકાય છે. આ ડિવાઇસનો ઉપયોગ અમેરિકામાં ઇન્ફ્લુએન્ઝા A અને B, સ્ટ્રેપ A અને RSV પરીક્ષણ માટે પહેલાથી જ ઉપયોગમાં લેવાતો રહ્યો છે. 

લગભગ આખી દુનિયામાં કોરોના વાયરસ અને તેનાથી પેદા થનારી બીમારી કોરોના વાયરસ (Coronavirus) નો ખતરો સતત વધતો દેખાઇ રહ્યો છે. દુનિયામાં કોરોના વાયરસની વેક્સીનની સાથે હાલમાં તેની ટેસ્ટ કિટ બનાવવાની કોશિશ સતત જારી છે. જેથી કોરોના વાયરસની પુષ્ટી કરવામાં લાગતો સમય ઘટાડી શકાય. 

વર્તમાનમાં કોરોના વાયરસના પોઝિટિવ હોવાની પુષ્ટી કરવામાં બે દિવસ અથવા તેનાથી વધારે સમય લાગી રહ્યો છે. 

આ પહેલા જર્મનીની એક કંપનીએ દાવો કર્યો હતો કે તેમના દ્વારા વિકસિત નવી તપાસ કિટથી કોરોનાનો ટેસ્ટ માત્ર અઢી કલાકમાં રોગની પુષ્ટી કરી દેશે. બ્લૂમબર્ગમાં પ્રકાશિત સમાચાર અનુસાર, રૉબર્ટ બૉશ જીએમબીએચ (Robert Bosch GmbH) ના સીઇઓ વોલ્કમાર ડેનરે ગુરુવારે એક નિવેદનમાં દાવો કર્યો હતો કે તેમની કંપનીની ટેસ્ટ કિટ દ્વારા અઢી કલાકથી પણ ઓછા સમયમાં કોવિડ-19 (કોરોના વાયરસ) ની પુષ્ટી કરી શકાય છે.