લવ સ્ટોરી / અજબ પ્રેમ કી ગજબ કહાની : ટ્રાફિકજામમાં ફસાયેલા યુવકને થઈ ગયો યુવતી સાથે પ્રેમ, જાણો પછી શું થયું

• બેંગ્લોરમાં ટ્રાફિક કોઈના માટે લાઈફ ચેન્જિંગ મોમેન્ટ બન્યો 
• બેંગ્લોરના સોની વર્લ્ડ સિગ્નલે બે મિત્રોનુ જીવન બદલ્યું 
• કપલ ટ્રાફિક જામમાં ફસાયું અને પછી થઇ લવ સ્ટોરીની શરૂઆત 

સો.મીડિયામાં એક લવ સ્ટોરી લોકોનુ લઇ રહી છે એટેન્શન 

સોશિયલ મીડિયામાં એક લવ સ્ટોરી લોકોની ખૂબ એટેન્શન લઇ રહી છે. આ કહાની અંગે જાણીને તમે એવુ લાગશે કે આ કોઈ ફિલ્મની સ્ક્રિપ્ટ છે. પરંતુ આ કહાની વાસ્તવિક છે. આ લવ સ્ટોરી અંગે સોશિયલ મીડિયા પ્લેટફોર્મ રેડિટ પર એક પોસ્ટ કરવામાં આવી હતી. આ લવ સ્ટોરી તમને પણ સરપ્રાઈઝ કરી શકે છે. બેંગ્લોરના ટ્રાફિકનો ઉલ્લેખ વારંવાર સ્ટેન્ડઅપ કોમેડીમાં થતો રહે છે. પરંતુ આ ટ્રાફિક કોઈની લાઈફ ચેન્જિંગ મોમેન્ટ પણ હોઇ શકે છે. આ કોઈએ વિચાર્યુ પણ નહીં હોય. 

ટ્રાફિકના કારણે બની જોડી 

રેડિટ પર શેર કરવામાં આવેલી આ કહાનીને ટ્વિટર પર ઓછા શબ્દોમાં જણાવવામાં આવી છે. બેંગ્લોરના સોની વર્લ્ડ સિગ્નલે બે મિત્રોનુ જીવન બદલીને રાખ્યું છે. આ કહાનીને જાણતા પહેલા તમે પણ ટ્વિટર પર પોસ્ટ કરાયેલુ આ ટ્વિટ અવશ્ય વાંચો.

Top drawer stuff on Reddit today 😂😂@peakbengaluru pic.twitter.com/25H0wr526h

— Aj (@babablahblah_) September 18, 2022

આવી છે તેમની લવ સ્ટોરી 

ખરેખર આ કપલ વચ્ચે પહેલા જ મિત્રતા હતી. પરંતુ ક્યારેય પણ પ્રેમ જેવી ફીલિંગ અંગે તેમણે વિચાર્યુ નહોતુ. જ્યારે યુવક એક દિવસ પોતાના મિત્રને છોડીને જઇ રહ્યો હતો ત્યારે નિર્માણાધીન એજીપુરા ફ્લાય ઓવરના કારણે આ બંને ટ્રાફિક જામમાં ફસાઈ ગયા. ટ્રાફિક જામમાં ફસાયા હોવાના કારણે બંનેને ભૂખ લાગી અને બંનેએ તે દિવસે સાથે ડીનર કર્યુ. અહીંથી આ કપલની લવ સ્ટોરીની શરૂઆત થઇ અને બંનેએ એકબીજાને 3 વર્ષ સુધી ડેટ કર્યા બાદ લગ્ન કરી લીધા. 

દંપત્તિના લગ્નને 2 વર્ષ થયા પૂર્ણ 

હવે આ દંપત્તિના લગ્નને 2 વર્ષ થયા છે, પરંતુ એજીપુરા ફ્લાય ઓવર અંડર કન્સ્ટ્રક્શન છે. લોકોને આ કપલની લવ સ્ટોરી ખૂબ પસંદ આવી રહી છે.