VIDEO / નાચો નહીંતર સાસુના સમ : શક્તિપ્રદર્શન કરવામાં ભાજપ ભૂલ્યું ભાન, જુઓ વીડિયો

• આ છે કોરોના વોરિયર્સ?
• રોડ પર રાસના નામે તમાચો?
• ભાજપના કાર્યકરોએ મચાવ્યો ઉત્પાત

ઉલ્લેખનીય થે કે, કોરોના કાળામાં સામાન્ય વ્યક્તિ જો કામ વગર બહાર નિકળે તો તેનો મોર બોલી જતો હતો. જો 4 વ્યક્તિથી વધારે એકી સાથે એકઠા થાય તો પોલીસ અગાસી પરથી પણ શોધીને તેમની સામે ફરિયાદ કરતી હતી. કોઈ સામાન્ય વ્યક્તિ અત્યારે પણ માસ્ક પહેર્યા વગર નિકળે તો તેની પાસેથી 1 હજાર રૂપિયા જેટલો દંડ વસૂલે છે. ઘણા કિસ્સામાં તો ઓફિસ કે રેસ્ટોરંટની અંદરથી પકડીને પણ દંડ વસૂલ્યા છે. પરંતુ આ બધા નિયમ તો સામાન્ય માણસો માટે છે.
પક્ષના કાર્યકરો સામે તો પોલીસની બકરી ડબ્બે પુરાય

સત્તાધારી પક્ષના કાર્યકરો સામે તો પોલીસની બકરી ડબ્બે પુરાય જાય છે. આ તત્વોને પકડવાને બદલે ઉલ્ટું પ્રોટેક્શન આપે છે. હશે, લોકશાહી છે એટલે ચાલ્યા કરે. પણ નીયમોની આટલી ધજિયા ઉડાવ્યા બાદ પણ આ રાજકીય પક્ષના કાર્યકરો તો સડક રોકીને રીતસર ઉત્પાત મચાવી રહ્યા છે.

ભાજપના કાર્યકરો ટોળે મળીને ગરબે રમ્યા 

તમે આ રાસમાં કંઈ નોંધ્યું? કોરોનાને રીઝવવા માટે ભાજપના કાર્યકરો ટોળે મળીને એમની ભાષામાં શક્તિનું પ્રદર્શન કરી રહ્યા છે..જોકે શક્તિપ્રદર્શન કરતા કરતા તેઓ ક્યારે બુદ્ધીનું પ્રદર્શન કરી બેસે છે એનું એમને ધ્યાન જ નથી રહેતું.

બુદ્ધી જેવા તત્વને ઘરે મુકીને ગળે ખેંસ પહેરીને કોરોના રાસ રમવા નિકળી પડેલા કાર્યકરો રાસ રમવા માટે પણ સાસુના સમ આપીને બોલાવી રહ્યા છે..કોરોના ફેલાવવાના પાપમાં જે ભાગીદાર ન બને એની સાસુના સમ છે હો. કાર્યકરોને તો સમજ્યા કે, સાસુના સમ આપીને રાસ રમાડ્યા? પણ પોલીસને કોના સમ આપીને મેનો ફાડતી રોકી? ભાઈ જાહેર જનતાને પણ આ સમવાળું સિક્રેટ શેર કરો એટલે હજાર હજારના મેમો ન ભરવા પડે. અને ધોકા ન ખાવા પડે..