Coronavirus / કરમની કઠણાઈ તો જુઓ, કોરોનાથી મૃત્યુ પામેલા 13 વર્ષીય દિકરાના અંતિમ સંસ્કાર આ રીતે જોવા માતા મજબૂર

• બ્રિટનમાં 13 વર્ષના દિકરાના અંતિમ સંસ્કાર માતાએ ઓનલાઈન જોયા
• મૃતક બાળકની માતા અને 6 ભાઈ -બહેનને પણ કોરોના
• પરિવારના 7 સભ્યો આઈસોલેશનમાં સારવાર હેઠળ

કોરોનાના દર્દીઓને આઈસોલેશનમાં રાખવાના કારણે છેલ્લા સમય સુધી તેમના પરિવારજનોને મળવાની પરવાનગી આપવામાં નથી આવતી. ઈટલીમાં તો અંતિમ સંસ્કારના કાર્યક્રમ પર પ્રતિબંધ મુક્યો છે. તો ઘણીવાર પરિવારના બીજા સભ્યોમાં પણ કોરોનાના લક્ષણો દેખાતા હોવાથી તેમને પણ આઈસોલેટ કરાયા હોય છે.

ત્યારે બ્રિટનમાં સૌથી નાની ઉંમરના બાળક એટલે કે 13 વર્ષના બાળકનું કોરોનાથી મોત નિપજ્યું છે. બાળકની માતા અને તેના  6 ભાઈ-બહેનોને પણ આઈસોલેશનમાં રાખવામાં આવ્યા છે.  એટલા માટે હવે સોમવારે બ્રિક્સટનમાં  રહેનાર ઈસ્માઈલ મોહમ્મદ અબ્દુલવહબનું મોત થયું તો માતાએ તેના અંતિમ સંસ્કાર ઓનલાઈન જોવા પડ્યા હતા.

એક મીડિયા રિપોર્ટ મુજબ ઈલ્માઈલના અંતિમ સંસ્કારમાં કેટલાક સંબંધીઓને હાજરી આપવાની પરવાનગી મળી હતી. આ દરમિયાન તેમને પ્રોટેક્ટિવ સૂટ પહેરાવવામાં આવ્યો હતો અને 2 મીટર દુર રહેવા કહેવામાં આવ્યું હતું.

ઈસ્માઈલના માતા અને 6 ભાઈ-બહેનોમાં પણ લક્ષણો જોવા મળ્યા હતા.  એટલા માટે તમામને ઘરમાં આઈસોલેટ કરવામાં આવ્યા હતા.  બ્રિટનમાં કોરોનાના દર્દી ઝડપથી વધી રહ્યા છે.

અત્યાર સુધી કોરોનાથી વૃદ્ધોને વધારે ખતરો હતો એવું મનાઈ રહ્યું હતું. જોકે WHOના પ્રમુખે થોડાક દિવસો પહેલા કહ્યું હતું કે કોરોનાથી યુવાનો પણ સલામત નથી. બ્રિટનમાં 19 વર્ષની લુકા ડી નિકોલા. 33 વર્ષની પૂજા શર્મા, 26 વર્ષની જોશ યંગમૈન અને 28 વર્ષીય એડમ હાર્કિન્સનું પણ મોત નિપજ્યું છે.