Coronavirus Vaccine / વેક્સીનેશનને લઈને સરકારની નજરમાં છે આ ખાસ જગ્યાઓ, તમે પણ જાણી લો ગાઈડલાઈન્સ

• વેક્સીનેશનને લઈને સરકારે જાહેર કરી ગાઈડલાઈન
• વેકેસીનેશન માટે આ જગ્યાઓ છે સરકારની નજરમાં
• ગાઈડલાઈન્સમાં કહેવાઈ છે આ વાતો

 
કેન્દ્ર સરકારે સોમવારે કોરોના સંક્રમણને લઈને ગાઈડલાઈન્સ જાહેર કરી છે તેમાં એક દિવસમાં 100-200 લોકોને વેક્સીન આપવાનું કહેવાયું છે. વેક્સીન આપ્યા બાદ 30 મિનિટ સુધી દર્દીને દેખરેખમા રખાશે. જે જગ્યાઓએ સંભવિત વેક્સીનેશન થશે તેમાં પોલિંગ બૂથથી લઈને મેરેજ હોલ સુધીની જગ્યાઓ સરકાર અને સ્વાસ્થ્ય વિભાગના લિસ્ટમાં છે. 

સ્ટોરેજથી લઈને ટ્રાન્સપોર્ટ પર રહેશે સરકારની નજર

નવા વર્ષના મધ્ય સુધીમાં 30 કરોડ લોકોને વેક્સીન આપવાનું સરકારનું લક્ષ્ય છે. સાથે ખાનગી હોસ્પિટલ અને નર્સિંગ હોમ પણ સરકારના ધ્યાનમાં છે. સરકારની યોજના છે કે તે સ્ટોરેજથી લઈને ટ્રાન્સપોર્ટ અને તેના પ્રશાસન પર પોતાનું નિયંત્રણ રાખે. 

વેક્સીનેશન માટે 2 પ્રકારના કેન્દ્રો રખાશે

એક અધિકારી તરફથી મળતી માહિતી અનુસાર કેન્દ્ર 2 પ્રકારના રહેશે. પહેલું ફિકસ્ડ સેશન કેન્દ્ર અને બીજું લોકોની આસપાસ બનેલા કેન્દ્રો. જેમકે આઉટરીચ સાઈટ્સ. કેન્દ્રોની ઓળખ વેક્સીનેશનમાં સામેલ થનારા લોકોની સંખ્યાને ધ્યાનમાં રાખીને વેક્સીનના ડિલિવરી અને પ્રશાસનિક સુવિધાના આધારે કરાશે. 
 
આ જગ્યાઓ પણ છે સરકારની નજરમાં

મતદાન કેન્દ્રો સિવાય વેક્સીનેશન માટે શાળાઓ, કોલેજો અને સામુદાયુક હોલનો ઉપયોગ પણ કરાશે. આ સિવાય નગરપાલિકા કાર્યાલય, પંચાયત ભવન, વિવાહ સ્થળ, કંટોનમેન્ટ હોસ્પિટલ કે ક્લિનિક, રેલ્વે હોસ્પિટલ, અર્ધસૈનિક  બળ, રેલ્વે અને અન્ય સાર્વજનિક ક્ષેત્રની કોલોની વેક્સીનેશનના રૂપમાં સામેલ કરી શકાય છે.  

વેક્સીન માટેની ગાઈડલાઈન

• દિવસ દરમિયાન દરેક સત્ર દરમિયાન આશરે 100 થી 200 લોકોને રસી આપવામાં આવશે.
• રસી લાગુ કર્યા પછી, સંબંધિત વ્યક્તિની દેખરેખ 30 મિનિટ સુધી કરવામાં આવશે.
• રસીકરણ ટીમમાં કુલ પાંચ સભ્યો હશે
• જો રસીકરણવાળી જગ્યાએ પર્યાપ્ત વ્યવસ્થા હોય અને વેઈટિંગ રૂમની વ્યવસ્થા કરવામાં આવે તો બીજું સત્ર ગોઠવી શકાશે.
• કોવિડ વેક્સીન ઇન્ટેલિજન્સ નેટવર્ક (કો-વિન) સિસ્ટમ એ ડિજિટલ પ્લેટફોર્મ છે, જે રસીકરણ માટે સૂચિબદ્ધ લાભાર્થીઓને શોધવા માટે ઉપયોગમાં લેવાય છે.
• મતદાર ઓળખકાર્ડ, આધારકાર્ડ, ડ્રાઇવિંગ લાઇસન્સ, પાસપોર્ટ અને પેન્શન દસ્તાવેજ સહિતના 12 ફોટો ઓળખ દસ્તાવેજોનો ઉપયોગ કો-વિન વેબસાઇટ પર સ્વ-નોંધણી માટે થઈ શકે છે.
• પહેલાથી નોંધાયેલા લોકોને જ સ્થળ પર રસી આપવામાં આવશે, ત્યાં સ્થળ પર નોંધણી થઈ નહીં શકે.
• જ્યારે કોઈ વ્યક્તિ રસીકરણ માટે આવે છે ત્યારે રસીની શીશીઓને સૂર્યપ્રકાશથી દૂર રખાશે.
• રસીકરણ માટે વ્યક્તિ પહોંચશે ત્યારે જ શીશી ખોલાશે.
• આઈસ પેક સાથેની બધી ન વપરાયેલી રસીઓને સત્ર પછી વિતરણ કોલ્ડ ચેઇન સ્થળોએ પરત કરવી જરુરી હશે.
• પ્રથમ આરોગ્ય કર્મચારીઓ, અગ્રીમ મોરચાના કર્મચારીઓ અને 50 વર્ષથી વધુ ઉંમરના લોકોનું રસીકરણ કરવામાં આવશે.
• ગંભીર રોગ સાથે 50 વર્ષથી ઓછી ઉંમરના લોકોનું રસીકરણ અને મહામારીની સ્થિતિ અને રસીની ઉપલબ્ધતાના આધારે બાકીના લોકોનું રસીકરણ થઈ શકશે.
• રસીકરણના પ્રથમ તબક્કા હેઠળ લગભગ 30 કરોડની વસ્તી રસી આપવામાં આવશે.