કોરોના વાયરસને લઈને આખી દુનિયામાં મોતનો આંક વધી રહ્યો છે. આ મહામારીએ હાલ સુધીમાં 1 લાખથી પણ વધારે લોકોને મોતના મુખમાં ધકેલી દીધા છે. વૈજ્ઞાનિક ઘણા સમયથી કોવિડ 19ની વેક્સીન પર કામ કરી રહ્યા છે. હવે તેઓએ દાવો કર્યો છે કે જલ્દી જ આ વેક્સીન તૈયાર થશે.
લૉકડાઉનના કારણે વેક્સીન પરીક્ષણમાં તકલીફ
ઝડપથી તૈયાર થશે કોરોનાની વેક્સીન
સોશ્યલ ડિસ્ટન્સિંગથી સેફ રહેવાની અપીલ
15 દિવસમાં શરૂ કરાશે વેક્સીનનું પરીક્ષણ
ઓક્સફર્ડ યુનિવર્સિટીમાં વેક્સીનોલોજી ડિપાર્ટમેન્ટના પ્રોફેસર સારાહ ગિલ્બર્ટે દાવો કર્યો છે કે તેમની ટીમ જલ્દી જ કોરોના વાયરસની વેક્સીન તૈયાર કરી લેશે. તેમનો દાવો છે કે ફક્ત 15 દિવસમાં જ કોરોના વેક્સીનનું પરીક્ષણ કરવામાં આવશે. આ વેક્સીનને લઈને 80 ટકા સુધી તેઓને વિશ્વાસ છે.
સોશ્યલ ડિસ્ટન્સિંગથી રહો સેફ
જો પરિણામ સકારાત્મક હશે તો સરકાર આ માટે ફંડ જાહેર કરશે એવા સંકેત પણ મળી રહ્યા છે. કોઈ વેક્સીનને સફળતા નથી મળતી ત્યાં સુધી લોકોએ સોશ્યલ ડિસ્ટન્સિંગ અને સુરક્ષિત રહેવાનો ઉપાય અપનાવવો જરૂરી છે.
લૉકડાઉનને કારણે પડી રહી છે તકલીફ
સારાહે જણાવ્યું કે લૉકડાઉનના કારણે ટ્રાયલ કરવામાં તકલીફ આવી રહી છે. તેના કારણે કોરોના વાયરસ ફેલાવવાની ગતિ ધીમી પડી છે. જ્યારે જે વિસ્તારમાં કોરોનાની સ્થિતિ વધુ ગંભીર છે ત્યાં પરિણામ ઝડપી અને ચોક્કસ સામે આવ્યા છે.
કોરોનાનો સૌથી વધારે પ્રકોપ આ દેશોમાં
કોરોના વાયરસનો સૌથી વધુ પ્રકોપ બ્રિટનમાં જોવા મળી રહ્યો છે. કોવિડ 19ને લઈને હાલ સુધીમાં 70,000થી પણ વધારે કેસ સામે આવ્યા છે. આ સિવાય 9000 લોકોના મોત થઈ ચૂક્યા છે. કોરોના વાયરસથી હાલ સુધી સૌથી વધારે મોત ક્રમશઃ ઈટલી, અમેરિકા અને સ્પેનમાં થયા છે.