ડરવાની જરૂર / કોરોના થયો વધુ ખતરનાક, નવા વેરિએન્ટને લઈને ચોંકાવનારો ખુલાસો 

• કોરોના વાયરસનો નવો વેરિએન્ટ ખૂબ જ સંક્રમણ ફેલાઈ શકે છે 
• આ બે રસી કોરોનાની સામે એન્ટીબોડી તૈયાર કરી શકે છે
• એક કરતા રસીના બે ડોઝ લેવા વધુ અસરકારક 

વિશ્વમાં કોરોના વાયરસનો ડેલ્ટા વેરિએન્ટ ખૂબ જ સંક્રમિત અને ખતરનાક બન્યો છે. માનવામાં આવે છે કે ભારતમાં વિનાશ પાછળ કોરોના વાયરસનો ડેલ્ટા વેરિઅન્ટ જ જવાબદાર છે. હવે સ્કોટલેન્ડના નવા અધ્યયનમાં બહાર આવ્યું છે કે યુકેમાં ફેલાયેલા પ્રથમ વેરિએન્ટથી હોસ્પિટલમાં દાખલ થનારાની સંખ્યાની તુલનામાં ભારતમાં ડેલ્ટા વેરિએન્ટથી હોસ્પિટલમાં દાખલ થનારાની સંખ્યા બમણી થયી ગઈ છે.

આ બે રસી કોરોનાની સામે એન્ટીબોડી તૈયાર કરી શકે છે
વૈજ્ઞાનિકોએ જણાવ્યું છે કે ફાઈઝર- બાયોએનટેક અને એસ્ટ્રાજેનેકાના કોરોના વાયરસની રસી ડેલ્ટા વેરિએન્ટની વિરુદ્ધ અસરકારક છે. તેમણે વધુમાં જણાવ્યું છે કે સ્કોટલેન્ડમાં કરવામાં આવેલા વિસ્તૃત સ્ટડીમાં જોવા મળ્યું કે ફાઈઝર બાયોએનટેક રસી શરીરમાં કોરોનાની સામે લડવા માટે એન્ટીબોડી તૈયાર કરી શકે છે. વૈજ્ઞાનિકોએ જણાવ્યું કે ડેલ્ટા વેરિએન્ટ સામે રસીના એક ડોઝ કરતા બે ડોઝ લેવા વધારે સુરક્ષીત છે.

જાણો આ રસી કેટલા ટકા અસરકારક છે 
એડિનબર્ગ અને સ્ટ્રૈથક્લાઈડ યુનિવર્સિટીની સાથે સાથે પબ્લિક હેલ્થ સ્કોટલેન્ડ સંશોધકોએ જોયું કે ફાઈઝર રસી કોરોના વાયરસના આલ્ફા વેરિએન્ટની વિરુદ્ધ 92 ટકા અને બીજા ડોઝના 14 દિવસ બાદ ડેલ્ટા વેરિએન્ટની વિરુદ્ધ 79 ટકા સુરક્ષા પુરી પાડી છે. જેની સરખામણીએ એસ્ટ્રાજેનેકા રસીના ડેલ્ટા વેરિએન્ટની વિરુદ્ધ 73 ટકા અને 60 ટકા સુરક્ષા જ પુરી પાડે છે. યુનિવર્સિટી ઓફ સ્ટ્રાથક્લાઇડમાં જાહેર આરોગ્ય રોગશાસ્ત્રના પ્રોફેસર ક્રિસ રોબર્ટસને જણાવ્યું હતું કે, 'જો તમારો ટેસ્ટ પોઝિટિવ આવે તો. તો રસીના બંને ડોઝ અથવા 28 દિવસમાં લેવામાં આવેલો એક ડોઝ હોસ્પિટલમાં દાખલ થવાનું જોખમ 70% ઘટાડી શકે છે.

ડેલ્ટા વેરિએન્ટના કારણે લંડનમાં પ્રતિબંધો લંબાવાયા
બ્રિટનના વડા પ્રધાન બોરિસ જ્હોનસને ડેલ્ટા વેરિએન્ટના કેસમાં સતત થઈ રહેલા વધારાના કારણે 21 જૂન સુધી લોકડાઉન સુધી લંબાવી દીધુ છે. સંશોધકોએ જણાવ્યું કે રસીના બંને ડોઝ એક ડોઝની તુલનામાં ડેલ્ટા વેરિઅન્ટ સામે વધુ સારું પરિણામ આપે છે. સંશોધકોએ વધુમાં જણાવ્યું કે ઇંગ્લેન્ડમાં લોકડાઉન વધવાથી લોકોને બીજો ડોઝ લેવામાં અને રોગપ્રતિકારક શક્તિ વધારવા સમય મળી શકે છે. 

ડેલ્ટા વેરિએન્ટ આલ્ફા સ્વરુપથી લગભગ 60 ટકા વધારે સંક્રમિત
પબ્લિક હેલ્થે ઈંગ્લેન્ડને પોતાના તાજા વિશ્લેષણમાં કહ્યું કે પીએચઈનો નવો અભ્યાસ જણાવે છે કે ડેલ્ટા વેરિએન્ટ આલ્ફા વેરિએન્ટની સરખામણીમાં લગભગ 60 ટકા વધારે સંક્રમણ ફેલાવી શકે છે અને રસીની અસરકારકતાને પણ એક હદ સુધી ઓછી કરી નાખે છે. કોરોના વાયરસના આ ડેલ્ટા વેરિએન્ટે સ્કોટલેન્ડમાં પણ તબાહી મચાવી છે. ધ લેન્સેટ મેગેઝિનમાં પ્રકાશિત એક સ્ટડી સ્કોટલેન્ડના 54 લાખ લોકો પર કરવામાં આવી છે. સ્ટડી મુજબ, 19,543 લોકો પર સમુદાયના કેસ હતા, તેમાંથી 7,723 કેસ ડેલ્ટા વેરિઅન્ટના હતા. જ્યારે 377 લોકોને હોસ્પિટલમાં દાખલ કરવા પડ્યા હતા, તેમાંથી 134 હોસ્પિટલમાં દાખલ થવાના કેસ ડેલ્ટા વેરિઅન્ટના હતા.