આગાહી / કોરોનાના કારણે લોકડાઉનથી પરેશાન જનતા માટે હવામાન વિભાગે આપ્યાં માઠા સમાચાર

• રાજ્યમાં ઉનાળાની ગરમીને લઇ હવામાન વિભાગની આગાહી 
• આવતીકાલથી રાજ્યમાં ગરમી વધવાની શક્યતા
• લોકોને આકરી ગરમીથી શેકાવા રહેવુ પડશે તૈયાર

ગુજરાતમાં જ્યાં કોરોનાનો હાહાકાર જોવા મળી રહ્યો છે ત્યારે હવામાન વિભાગ દ્વારા આવતી કાલથી  રાજ્યમાં ગરમી વધવાને લઇને આગાહી કરી છે. હવામાન વિભાગના જણાવ્યાં અનુસાર 4 તારીખથી રાજ્યમાં તાપમાનનો પારો વધુ ઉપર જતો જોવા મળશે. 

 

હવામાન વિભાગની આગાહી મુજબ આવતી કાલ એપ્રિલની 4 તારીખથી 6 સુધી ગરમીનો પારો વધશે. જેને લઇને અમદાવાદ, વડોદરા, સુરેન્દ્રનગર, અમરેલી સહિત શહેરોના તાપમાનમાં વધારો જોવા મળશે. જેને લઇને રાજ્યમાં હવે બેવડી ઋતુનો અહેસાસ થશે નહીં. 

ગુજરાતમાં એક બાજુ કોરોના વાયરસના સંક્રમિતોની સંખ્યામાં વધારો જોવા મળી રહ્યો છે. જ્યારે આજરોજ ગોધરાના કોરોના દર્દીનું વડોદરા ખાતે સારવાર દરમિયાન મોત થુયં છે જેને લઇને ગુજરાતમાં મૃત્યુનો આંકડો 8 પર પહોંચ્યો છે.