દિલ્હીમાં મંગળવારથી દારૂ મોંઘો થશે. કેજરીવાલ સરકારે દારૂ પર વિશેષ કોરોના ફી લાદવાનો નિર્ણય લીધો છે. આ ફી એમઆરપી પર 70 ટકા રહેશે. દિલ્હી સરકારનો આ નિર્ણય મંગળવારથી લાગુ થશે. આ પહેલા હરિયાણા સરકારે પણ દારૂ પર કોવિડ -19 સેસ લગાવીને લોકોને જોરદાર આંચકો આપ્યો હતો.
દિલ્હી સરકારે દારૂ પર વિશેષ કોરોના ફી લાદવાનો નિર્ણય લીધો છે
હરિયાણા સરકારે દારૂ પર કોવિડ -19 સેસ પણ લગાવી દીધો છે.
જો સોશિયલ ડિસ્ટન્સિંગનું પાલન નહીં કરવામાં આવે તો છુટ પાછી ખેંચીશું
ઉલ્લેખનીય છે કે સોમવારથી દેશમાં લોકડાઉનનો ત્રીજો તબક્કો શરૂ થઈ ગયો છે. કોરોનાને કારણે લોકડાઉન 17 મે સુધી બે અઠવાડિયા માટે લંબાવવામાં આવ્યું છે. જો કે, આ વખતે વિસ્તૃત લોકડાઉનમાં પણ ઘણી છૂટછાટો આપવામાં આવી છે. આમાં દારૂના વેચાણને પણ મંજૂરી આપવામાં આવી છે. સોમવારથી દેશના ઘણા શહેરોમાં પણ દારૂની દુકાનો ખોલવામાં આવી હતી. દુકાનોની બહાર લાંબી કતારો જોવા મળી હતી. દિલ્હીના અનેક વિસ્તારોમાં નાસભાગ મચી ગઈ હતી. આ સમયગાળા દરમિયાન સામાજિક અંતરના લીરા ઉડ્યા હતા.
આરોગ્ય પ્રધાને નારાજગી વ્યક્ત કરી હતી
દિલ્હીમાં દારૂની દુકાનો પર સામાજિક અંતરનું પાલન ન થતાં કેન્દ્રીય આરોગ્ય પ્રધાન ડો.હર્ષવર્ધનએ કહ્યું કે જો આ પ્રકારની ઘટના ક્યાંય પણ બની રહી છે, તો તે મને વિચલિત કરે છે. કેન્દ્રીય મંત્રીએ કહ્યું, મને દુઃખી અને આશ્ચર્ય થાય છે કે કોઈ પણ સરકારે આ પ્રકારનો નિર્ણય લીધો છે. તેમણે કહ્યું કે, જો કોઈ નિર્ણય લેવામાં આવ્યો છે, તો તેની સમીક્ષા થવી જ જોઇએ.
કેજરીવાલે કહ્યું - છૂટ પાછી ખેંચી લેશે
દિલ્હીના સીએમ અરવિંદ કેજરીવાલે પણ સામાજિક અંતરનાફિયાસ્કાને લઈને નારાજગી વ્યક્ત કરી છે. તેમણે કહ્યું કે જો હવે અમને ખબર પડી ગઈ છે કે સામાજિક અંતરનું પાલન કરવામાં આવી રહ્યું નથી. અમારે એ વિસ્તારને સીલ કરીને જે છૂટછાટ આપવામાં આવી રહી છે તે પરત લેવી પડશે. દિલ્હીના લોકોના સ્વાસ્થ્ય માટે કડક પગલા ભરવા પડશે.