સહાય / કોરોના કહેર વચ્ચે ગરીબ અસંગઠિત શ્રમિકો માટે રાજ્ય સરકારે આર્થિક સહાય પેકેજની કરી જાહેરાત

• રાજ્યના 65 લાખ ગરીબ શ્રમજીવી અસંગઠિત કામદારો માટે સહાય પેકેજ
• મુખ્યમંત્રી, ડે. સીએમની અધ્યક્ષતામાં મળેલી બેઠકમાં લેવાયો નિર્ણય
• પરિવારોના ખાતમાં 1000ની રોકડ સહાયનો મહત્વપૂર્ણ નિર્ણય

રાજ્યના મુખ્યમંત્રી વિજય રૂપાણીએ રાજ્યના 65 લાખ ગરીબ શ્રમજીવી અસંગઠિત કામદારો, બાંધકામ શ્રમિકો માટે આર્થિક સહાયનું રૂ.650 કરોડનું પેકેજ જાહેર કરતા જણાવ્યું કે રાજ્યની સંવેદનશીલ સરકારે લૉકડાઉનની સ્થિતીમાં આવા પરિવારોના ખાતામાં રુ.1000 ની રોકડ સહાય આપવાનો મહત્વપૂર્ણ નિર્ણય કર્યો છે.

ગઇકાલે મુખ્યમંત્રી વિજય રૂપાણી અને નાયબ મુખ્યમંત્રી નીતિન પટેલની અધ્યક્ષતામાં મળેલી બેઠકમાં ગૃહમંત્રી પ્રદિપસિંહ જાડેજા સહિત અન્ય અધિકારીઓ ઉપસ્થિત હતાં. 

મુખ્યમંત્રી રૂપાણીએ જણાવ્યું હતું કે હાલની કોરોનાની પરિસ્થિતિને લઇને આવા પરિવારોને આર્થિક સહાયના પૈસા મળશે. આ સાથે કંપનીઓ, ફેકટરીઓ અને ઘરે કામ કરનારા કામવાળાઓને પણ જે-તે વ્યક્તિ કે સંસ્થાઓએ પગાર ચૂકવવો પડશે.