કોરોનાનો કહેર / બીજી લહેર બાદ હવે આ 2 રાજ્યોમાં ડેલ્ટા વેરિઅન્ટને લઈને વધી ચિંતા, 20માંથી 18 કેસમાં B.1.617.2 વેરિઅન્ટ જોવા મળ્યો

• આ 2 રાજ્યોમાં ડેલ્ટા વેરિઅન્ટને લઈને વધી ચિંતા
• 20માંથી 18 કેસમાં B.1.617.2 વેરિઅન્ટ જોવા મળ્યો
• ડેલ્ટા વેરિઅન્ટ વૈશ્વિક સમુદાયને માટે ચિંતાનો વિષય 

 
ઉત્તર ભારતમાં તબાહી મચાવ્યા બાદ કોરોના વાયરસના ડેલ્ટા વેરિઅન્ટને નોર્થ ઈસ્ટના 2 રાજ્યોમાં હાહાકાર મચાવતો જોવા મળી રહ્યો છે. મીડિયા રિપોર્ટના અનુસાર મણિપુર અને મિઝોરમમાં પહેલી વાર ડેલ્ટા વેરિઅન્ટના કેસ આવ્યા છે. સૂત્રોના આધારે હૈદરાબાદમાં કરાયેલા 20 ટેસ્ટમાંથી 18માં ડેલ્ટા વેરિઅન્ટ જોવા મળ્યો છે. મિઝોરમમાં B.1.617.2 એટલે કે ડેલ્ટા વેરિઅન્ટના 4 કેસ આવ્યા છે. કોરોનાના આ સ્ટ્રેન સંક્રામક છે. મિઝોરમના આઈનલમાં કોરોનાના ડેલ્ટા વેરિઅન્ટથી પીડિત 4 દર્દી છે. 

બંને રાજ્યોમાં વેક્સિનેશન અભિયાનના અપાયા આદેશ
બંને રાજ્યોના પાડોશી વિસ્તારોમાં સરકારે શુગર, કેન્સર અને ગંભીર બીમારીથી પીડિત લોકોને માટે વિશેષ વેક્સિનેશન અભિયાન ચલાવવાના આદેશ આપ્યા છે. રાજ્ય સરકારે સંક્રમણના ગંભીર કેસમાં મ્યૂકોરમાઈકોસિસના પ્રભાવિત થવના ખતરાને જોતા ખાસ વેક્સિનેશન અભિયાન ચલાવવાનો આદેશ આપ્યો  છે. WHOની ચીફ સાયન્ટિસ્ટ સૌમ્યા સ્વામિનાથને શુક્રવારે કહ્યું હતું કે વધારે સંક્રામક હોવાના કારણે ડેલ્ટા વેરિઅન્ટ વૈશ્વિક સમુદાયને માટે ચિંતાનો વિષય છે. મળતી માહિતી અનુસાર દુનિયાના 70 થી વધારે દેશમાં ડેલ્ટા વેરિઅન્ટના અનેક કેસ આવ્યા છે. સૌમ્યા સ્વામીનાથને જિનેવામાં એક પ્રેસ કોન્ફરન્સમાં કહ્યું કે વધારે ઝડપથી ફેલાવવાના કારણે ડેલ્ટા વેરિઅન્ટ વૈશ્વિક સ્તરે સૌથી વધારે સંક્રામક બની રહ્યો છે.  

 
શા માટે ખતરનાક છે ડેલ્ટા વેરિઅન્ટ
કોરોનાના ડેલ્ટા વેરિઅન્ટના સ્પાઈક પ્રોટીનમાં કેટલાક ખાસ પરિવર્તન કરાયા છે. તેના કારણે આ વેરિઅન્ટ વધારે સંક્રામક અને ખતરનાક હોઈ શકે છે. એક રિપોર્ટમાં કહેવાયું છે કે આ સ્ટ્રેન વધારે હમલાવર છે. તેના કારણે એક નક્કી સમયમાં અલ્ફા વેરિઅન્ટની સરખામણીએ વધારે લોકો બીમાર થયા છે. ડેલ્ટા વેરિઅન્ટના સ્પાઈક પ્રોટીન પોતાને બદલે છે અને તેમાં મ્યૂટેશન થાય છે. આ કારણે વ્યક્તિના શરીરમાં એન્ટી બોડી અપ્રભાવી બને છે અને તૂટી જાય છે. તેના કારણે તે ફરીથી સંક્રમિત થાય છે. ડેલ્ટા વેરિઅન્ટની સામે વ્યક્તિની ઈમ્યૂન રિસ્પોન્સ પણ નબળી બને છે. 

કેટલો ઝડપથી ફેલાય છે ડેલ્ટા વેરિઅન્ટ
મળતી માહિતી અનુસાર ડેલ્ટા વેરિઅન્ટ કોરોનાના અલ્ફા વેરિઅન્ટના આધારે 60 ટકા વધારે સંક્રામક છે. અલ્ફા વેરિઅન્ટ કોરોના વાયરસના મૂળ સ્ટ્રેનના આધારે 50 ટકા વધારે સંક્રામક હતો. કોરોનાના મૂળ સ્ટ્રેન 2019ના અંતમાં તે સામે આવ્યો હતો. 
 
ડેલ્ટા વેરિઅન્ટ પર વેક્સિનનો પ્રભાવ
રિપોર્ટમાં જાણવા મળ્યું છે કે ડેલ્ટા વેરિઅન્ટ પર પણ વેક્સિન પ્રભાવી છે. પબ્લિક હેલ્થ ઈંગ્લેન્ડના આધારે ફાઈઝર અને ઓક્સફર્ડની એસ્ટ્રાજેનેકાની વેક્સિનનો સિંગલ કોરોનાના લક્ષણોના કેસમાં 33 ટકા પ્રભાવી છે. અન્ય ડોઝ બાદ તે વધીને 88 ટકા અને 66 ટકા થાય છે.