બાળકીના પિતાની બેંગ્લોરમાં કોવિડની સારવાર દરમિયાન મોત થઈ ગયું. 31 વર્ષીય માતાનું પણ બાળકીને જન્મ આપ્યાના ચાર દિવસ બાદ સંક્રમણથી મૃત્યુ થઈ ગયું.
કર્ણાટકમા માંડ્યામાં નવ વર્ષ પહેલા દંપત્તીના લગ્ન થયા હતા
લગ્નના નવ વર્ષ બાદ બાળકીએ લીધો જન્મ, પરંતુ જન્મ પહેલા પિતાનું મોત
બાળકીના પિતા બાદ માતાએ પણ બાળકીને જન્મ આપ્યા બાદ જીવ ગુમાવ્યો
લગ્નના નવ વર્ષ બાદ, માંડ્યાના ડોડ્ડેનહલ્લી ગામના નંજુંડે ગોડા અને મમતાના ઘરે કિલકારીઓ ગુંજીવાની હતી. બન્ને બાળકના સ્વાગત માટે તૈયારીઓ કરી રહ્યા હતા. મહામારીમાં સંક્રમણથી બચવાનો દરેક સંભવ પ્રયત્ન કરી રહ્યા હતા. આખો પરિવાર ખૂબ ખૂશ હતો. 11 મેના રોજ દંપતીના ધરમાં બાળકીએ જન્મ લીધો. પરિવાર ખુશ હતો પરંતુ તેમની ખૂશી વધારે સમય સુધી ન રહી. બાળકી આ દુનિયામાં હજુ આવી જ છે કે તેના માતા-પિતા બન્ને કોરોનામાં મૃત્યુ પામ્યા. 45 વર્ષીય નંજુંડે ગોડાનું 30 એપ્રિલે બેંગ્લોરમાં કોવિડની સારવાર વખતો મોત થઈ ગયું. 31 વર્ષીય મમતાનું પણ બાળકીને જન્મ આપ્યાના ચાર દિવસ બાદ સંક્રમણથી મોત થઈ ગયું.
મમતાનો શવ દફનાવવામાં આવ્યો
મમતાને કોરોના પોઝિટીવ આવ્યા બાદ સારવાર અને પ્રસવ માટે માંડ્યા જિલ્લા હોસ્પિટલમાં લઈ જવામાં આવી. તેણે 11 મેના રોજ બાળકીને જન્મ આપ્યો પરંતુ શુક્રવારે બિમારીના કારણે તેણે દમ તોડી દીધો. સ્થાનિક રહેવાસી સદાશિવે કહ્યું. મમતાનું મૃત શરીર ડોડ્ડેનહલ્લી લઈ જવામાં આવ્યું અને તેમના અંતિમ સંસ્કાર કરવામાં આવ્યા. મમતાના પરિવારે જણાવ્યું કે બન્નેના લગ્ન 9 વર્ષ પહેલા થયા હતા. લગ્ન બાદ બન્નેના ઘરે બાળક ન હતું. તમામ દવા અને દુવાઓ બાદ મમતા ગર્ભવતી બની તો બન્ને ખૂબ ખુશ હતા. '
મમતાના ભાઈઓએ બાળકીને દત્તક લીધી
મમતાના ભાઈઓએ હવે બાળકીને દત્તક લેવાનો નિર્ણય કર્યો છે. શનિવારે પરિવારને મળવા પહોંચેલા તહસીલદાર કુન્દી અહમદે તેમને 10 હજાર રૂપિયા અને બાળકીના ઉછેરમાં દરેક સંભવ મદદનો દાવો કર્યો. ગોડા અને મમતાના અંતિન સંસ્કાર માટે હાજર અહમદે કહ્યું, 'હું આ ઘટનાથી હચમચી ગયો હતો. બાળકી હવે માંડ્યા ઈન્સ્ટિટ્યૂટ ઓફ મેડિકલ સાયન્સમાં દાખલ છે.'