- Omicronનું X BB સબ વેરિઅન્ટ કોરોનાની નવી લહેરનું કારણ બની શકે: ડૉ. સૌમ્યા સ્વામીનાથ
- પેટા વેરિઅન્ટ XBB અને bF.7 નો ખતરો સતત વધી રહ્યો છે
- દેશ પાસે કોઈ ડેટા ઉપલબ્ધ નથી:ર્ડા. સૌમ્યા
- WHO એ BA.5 અને BA.1 ના ડેરિવેટીવ્ઝને પણ ટ્રેક કરી રહ્યું છે
દેશમાં કોરોનાના ઓમિક્રોન વેરિએન્ટના પેટા વેરિઅન્ટ XBB અને bF.7 નો ખતરો સતત વધી રહ્યો છે. આ પ્રકારના કેસોમાં ઝડપથી વધારો થઈ રહ્યો છે. ત્યારે વર્લ્ડ હેલ્થ ઓર્ગેનાઈઝેશનના મુખ્ય વૈજ્ઞાનિક ર્ડા. સૌમ્યા સ્વામીનાથને કહ્યું છે કે કેટલાક દેશોમાં Omicron X BB સબ વેરિએન્ટ કોરોનાની નવી લહેરનું કારણ બનુ શકે છે. પરંતું ર્ડા. સૌમ્યાએ એમ પણ કહ્યું કે અત્યાર સુધી કોઈ દેશ પાસે કોઈ ડેટા ઉપલબ્ધ નથી.
ર્ડા. સ્વામીનાથને જણાવ્યું હતું કે વિશ્વભરમાં ઓમિક્રોનના 300 થી વધુ પેટા પ્રકારો છે. XBB એ ઓમિક્રોનનું પેટા પ્રકાર છે. પરંતું તે રોગપ્રતિકારક શક્તિને છીનવી શકે છે અને એન્ટિબોડીઝને તટસ્થ કરીને પણ કામ કરે છે. આવી સ્થિતિમાં X BB ના કારણે આપણે આવનારા દિવસોમાં કેટલાક દેશોમાં ચેપની બીજી લહેર જોઈ શકીએ છીએ.
WHO વેરિયન્ટ્સને ટ્રેક કરી રહ્યું છે
તેમણે ઉમેર્યું કે WHO BA.5 અને BA.1 ના ડેરિવેટીવ્ઝને પણ ટ્રેક કરી રહ્યું છે. જે વધુ સંક્રમિત અને રોગપ્રતિકારક-આક્રમક છે. તેમણે કહ્યું કે જેમ જેમ વાયરસ વીકસે છે. તેમ તેમ વધુ ફેલાઈ રહ્યો છે. જે જોખમી સંકેત હોઈ શકે છે. તેથી અમારે મોનિટરીંગ અને ટ્રેક કરવાનું ચાલું રાખવું પડશે, અમે જો઼યું છે કે ઘણાં દેશોમાં કોવિડ પરીક્ષણમાં ઘટાડો થયો છે. છેલ્લે કેટલાક મહિનામાં જીનોમિક સિક્વન્સિંગમાં પણ ઘટાડો થયો છે. હવે તેમાં વધારો કરવાની જરુર છે. જેથી આ વેરિઅન્ટના સંક્રમિત દર્દીઓને ઓળખીને શક્ય તેટલી વહેલી તકે સારવાર આપવામાં આવે. તમામ દેશોએ ટેસ્ટિંગ. ટ્રેકીંગ અને સિકવન્સિં વધારવું પડશે. ઉપરાંત કોવિડ પ્રોટોકોલનું પાલન કરવું પડશે. આનાથી આ વેરિએન્ટને નિયંત્રિત કરવામાં મદદ મળશે.
એક વ્યક્તિ ધણા લોકોને ચેપ લગાવી શકે છે
નિષ્ણાંતો કહે છે કે X BB અને BF.7 બંનેના પ્રકારો તદ્દન ચેપી છે. આની સામે રક્ષણ કરવું જરુરી છે. જો ભીડભાડવાળા વિસ્તારોમાં આ પ્રકારોનો ચેપગ્રસ્ત દર્દી હોય, તો તે એક સાથે ઘણા લોકોમાં વાયરસ ફેલાવી શકે છે. જો લોકે માસ્ક પહેરવાનું ચાલુ રાખશે તો વાયરસના સંક્રમણનું જોખમ રહેશે નહીં. આ સાથે. કોવિડના કેસ પણ નિયંત્રણમાં આવશે. ર્ડા. કિશોર કહે છે કે દિવાળીનો તહેવાર આવવાનો છે. આ દરમિયાન જો કોવિડથી બચવાને નિયમોનું પાલન કરવામાં નહી આવે તે આગામી થોડા દિવસોમાં દેશમાં કોરોનાના કેસ ફરી વધી શકે છે. એવું બનુ શકે છે કે ટૂંક સમયમાં કેટલાક વિસ્તારોમાં કોરોનાના ગ્રાફમાં વધારો જોવા મળશે.
