એલર્ટ / ગુજરાતમાં ફરી કોરોનાનો ફૂંફાડો: મોટા શહેરમાં તંત્રએ બહાર પાડી એડવાઇઝરી, માસ્ક સહિત આપ્યા આ સૂચનો

• કોરોનાના કેસો સામે આવતા RMC એક્શનમાં
• બહાર પાડવામાં આવી એડવાઇઝરી
• માસ્ક પહેરવાની લોકોને સલાહ

કોરોનાની નવી ઈનિંગ આખા દેશમાં ફરી શરૂ થઈ રહી છે ત્યારે અમદાવાદમાં કોરોનાના કેસ વધી રહ્યા છે. શહેરમાં કોરોનાના વધુ 6 કેસ સામે આવ્યા હતા. 6માંથી 3 લોકો વિદેશના પ્રવાસી હોવાનુ સામે આવ્યું હતુ. ગઇકાલના 7માંથી 1 દર્દીને સારવાર બાદ રજા અપાઇ હતી. નવરંગપુરા સરખેજ તથા નારણપુરામાં કેસો સામે આવ્યા જેથી અત્યાર સુધીના કોરોનાના કેસની સંખ્યા 12 સુધી પહોંચી હતી. તમામના સેન્પલ જીનોમ સિક્વન્સિંગ માટે મોકલવામાં આવ્યા હતા.

20 દિવસમાં ચાર કોરોના પોઝિટિવ કેસ નોંધાયા
વડોદરામાં ડિસેમ્બરમાં 20 દિવસમાં ચાર કોરોના પોઝિટિવ કેસ નોંધાયા છે. બે માંજલપુર, એક ગોત્રી અને એક ગોકુલ નગર વિસ્તારમાં કોરોના પોઝિટિવ દર્દી મળ્યા છે. ચારમાંથી ત્રણ દર્દીને રજા આપવામાં આવી જ્યારે એક દર્દીને હોમ આઈસોલેટ કરવામાં આવ્યા હતા. દર્દીઓના સેમ્પલ જીનોમ સિક્વન્સ કરવા ગાંધીનગર ખાતે લેબોરેટરીમાં મોકલાયા અને નવા JN.1કોરોના વેરિઅન્ટના દર્દી છે કે નહી તેની તપાસ કરવામાં આવી છે.

RMC તંત્ર એકશનમાં
કોરોનાનો કેસ સામે આવતા RMC તંત્ર એકશનમાં આવ્યો છે. RMC દ્રારા એડવાઇઝરી બહાર પાડવામાં આવી છે. બહાર નીકળતા સમયે માસ્ક પહેરવાની લોકોને સલાહ આપવામાં આવી છે. લોકો ઘરની બહાર નીકળે ત્યારે માસ્ક પહેરે તેવી સલાહ આપવામાં આવી છે. કોવિડના નિયમોનું પાલન કરવા સૂચના આપી છે. શરદી-ઉધરસ જેવા લક્ષણો હોય તો ઘરની બહાર ન નીકળવાની સલાહ અપાઇ છે