મહામારી / એ સાચવજો પાછો આવ્યો કોરોના ! ગુજરાતમાં આજે નોંધાયા આટલા કેસ, અમદાવાદમાં સૌથી વધારે

• રાજ્યમાં છેલ્લા 24 કલાકમાં કોરોનાનાં 19 કેસ નોંધાયા
• સૌથી વધુ કેસ અમદાવાદ નોંધાવવા પામ્યા
• સુરત, વડોદરા, રાજકોટમાં 1-1 કેસ નોંધાયો
• રાજ્યમાં હાલ કોરોનાનાં કુલ 68 એક્ટિવ કેસ

થોડાક સમયના વિરામ બાદ ફરી  એકાએક કોરોનાંના કેસમાં વધારો થઈ રહ્યો છે.  ત્યારે હાલ ગુજરાતમાં કોરોનાની સ્થિતિ કાબુમાં હોય તેમ નહિવત કેસ આવી રહ્યા છે. ત્યારે હવે ધીમે ધીમે કોરોનાનાં આંકડાઓમાં વધારો થઈ રહ્યો છે. જે આરોગ્ય તંત્ર દ્વારા સત્તાવાર રીતે જાહેર કરાયેલી માહિતી મુજબ આજે રાજ્યમાં છેલ્લા 24 કલાકમાં કોરોનાના 19 કેસો નોંધાયા છે.  

મહાનગરોમાં કુલ 16 કોરોનાંનાં કેસ નોંધાયો, સૌથી વધુ અમદાવાદમાં નોંધાયા
ત્યારે રાજ્યનાં મહાનગરોની સ્થિતિ જોઈએ તો આજે અમદાવાદમાં સૌથી વધુ 13 વ્યક્તિ કોરોનાની ઝપટે ચડ્યા હોવાનું સામે આવ્યું છે. બીજી બાજુ રાજકોટમાંથી એક વ્યક્તિ, સુરતમાંથી 1 વ્યક્તિ અને વડોદરામાં એક કેસ નોંધાવવા પામ્યો છે. બીજી બાજુ રાજ્યના 29 જિલ્લા એક પણ કોરોનાનો કેસ નોંધાયો નથી. જેથી તંત્રએ રાહતનો શ્વાસ લીધો છે. હાલ રાજ્યમાં કોરોનાના કુલ 68 એક્ટિવ કેસો છે.  ત્યારે રાજ્યમાં ધીમે ધીમે કોરોનાના કેસની સંખ્યામાં પણ વધારો થઈ રહ્યો છે. ત્યારે લોકોએ ફરી સાવચેતી રાખવાની જરૂરીયાત વર્તાઈ રહી છે.