વડોદરાની MS યુનિવર્સિટી ફરી એકવાર વિવાદમાં આવી છે. MS યુનિવર્સિટીમાં વિદ્યાર્થીઓની સપ્લીમેન્ટરી બહાર મોકલવામાં આવતી હતી અને સપ્લીમેન્ટરી ભર્યા બાદ ફરી પરત મુકી દેવામાં આવતી હતી. આર્ટ્સ ફેકલ્ટીના પટ્ટાવાળા સપ્લીમેન્ટરી બહાર લઈ જતા હોવાનું સામે આવ્યું છે.
આ મામલે બન્ને પટ્ટાવાળાની ધરપકડ કરવામાં આવી છે. જેમાં અંકિત ફનસે અને ચિરાગ વડદારની ધરપકડ કરાઈ છે. બન્ને પટ્ટાવાળાની પૂછપરછ દરમિયાન ગુનાની કબૂલાત કરી છે અને જણાવ્યું કે એક સપ્લીમેન્ટરી બહાર લાવવા માટે તે લોકોને 900 રૂપિયા મળતા હતા. આ રીતે જ તેમણે 21 જેટલા વિદ્યાર્થીઓની સપ્લીમેન્ટરી બહાર લઈ ગયા હોવાનો પોલીસ સમક્ષ ખુલાસો કર્યો છે. મહત્વનું છે કે MS યુનિવર્સિટી અગાઉ પણ અનેક વિવાદમાં સપડાયેલી છે.