IPLIN
 
  • Home
  • India
  • Congress Nana Patole elected as Maharashtra Assembly Speaker as BJP nominee withdraws

મહારાષ્ટ્ર / બીજી પરીક્ષામાં પાસ થઈ ઉદ્ધવ સરકાર, નાના પટોલે બિનહરિફ રીતે બન્યા સ્પીકર

Team VTV 02:13 PM, 01 Dec 19
Follow us
Congress Nana Patole elected as Maharashtra Assembly Speaker as BJP nominee withdraws

ભાજપ ઉમેદવાર કિશન કથોરેએ આજે સવારે જ સ્પીકર પદથી પોતાની ઉમેદવારી પાછી લઈ લીધી હતી. ત્યારબાદ સ્પીકર પદથી તેમનું નામ હટી ગયું હતું અને નાના પટોલેનો સ્પીકર બનવાનો રસ્તો સાફ થઈ ગયો હતો.

  • વિધાનસભાના અધ્યક્ષ પદની પસંદગી
  • કોંગ્રેસના નાના પટોલેને કરવામાં આવ્યા પસંદ
  • બિનહરીફ સ્પીકર તરીકે પસંદગી પામ્યા નાના પટોલે

બિનહરીફ સ્પીકર તરીકે નાના પટોલેની પસંદગી

કોંગ્રેસના ધારાસભ્ય નાના પટોલે મહારાષ્ટ્ર વિધાનસભાના અધ્યક્ષ તરીકે પસંદગી પામ્યા હતા. આ પહેલાં ભાજપના ઉમેદવાર કિશન કથોરેએ સ્પીકર પદેથી પોતાની ઉમેદવારી પાછી લીધી હતી. ત્યારબાદ સ્પીકર પદની પસંદગી ટળી હતી અને નાના પટોલેને બિનહરીફ સ્પીકર તરીકે પસંદ કરાયા હતા. તેઓએ વિધાનસભા સ્પીકરનો પદભાર પણ સંભાળ્યો હતો.

ઉદ્ધવ ઠાકરેએ પટોલે માટે કહી આ વાત

પ્રોટેમ સ્પીકર દિલીપ વલસે પાટીલે તેનું એલાન કરતાં કહ્યું કે નાના પટોલે બિનહરિફ સ્પીકર તરીકે પસંદગી પામ્યા છે. તેમને આગ્રહ કરવામાં આવે છે કે તેઓ પોતાનું આસન ગ્રહણ કરે. મુખ્યમંત્રી ઉદ્ધવ ઠાકરે પટોલેને સ્પીકરના આસન સુધી લઈ ગયા અને સાથે અન્ય નેતાઓ પણ હતા. ચર્ચા શરૂ થતાં ઉદ્ધવ ઠાકરેએ કહ્યું કે નાના પટોલે એક ખેડૂત પરિવારમાંથી આવે છે. આ માટે આશા છે કે તે દરેકને ન્યાય અપાવવાનું કામ કરશે.


વિધાનસભામાં પૂર્વ મુખ્યમંત્રી અને બીજેપીના નેતા દેવેન્દ્ર ફડણવીસે કહ્યું કે વિધાનસભા સ્પીકર પદ માટે અમારી પાર્ટીએ કિશન કથોરેનું નામ રાખ્યું હતું પરંતુ સર્વદળીય બેઠક અને અન્ય પાર્ટીઓના આગ્રહ બદા અમે તેમનું નામ પાછું ખેંચ્યું હતું.

આ રીતે થઈ બિનહરિફ પસંદગી

રાજ્યના બીજેપી પ્રમુખ ચંદ્રકાંત પાટિલના અનુસાર વિપક્ષની ભારતીય જનતા પાર્ટીની તરફથી રવિવારે પોતાના ઉમેદવાર કિશન કથોરેનું નામ પાછું લેવાના કારણે થયું. નાના પટોલે શિવસેના-રાષ્ટ્રવાદી કોંગ્રેસ પાર્ટી કોંગ્રેસ મહા વિકાસ અઘાડીના ઉમેદવાર છે. 
 

Nana Patole congress Assembly Speaker BJP Maharashtra સ્પીકર નાના પટોલે ઉદ્ધવ ઠાકરે
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ