કોંગ્રેસ ધારાસભ્ય જશુભાઈ પટેલ જ નહીં,પોતાના મત વિસ્તારના કામ ન થતા હોવાના આક્ષેપ સાથે કોંગ્રેસના સાત જેટલા ધારાસભ્યો મુખ્યમંત્રીના કાર્યાલય આગળ ઘરણા પર બેસી ગયા
Share
તમારા કામ ન થાય તો નવાઇ ન પામવી
અહીં ધારાસભ્યોના પણ નથી થતાં કામ
ધારાસભ્યો ધરણાં પર બેસી ગયા
લોકોને પોતાના કેટલાક કામ કરાવવા માટે સરકારી કચેરીઓ કે છેક વિધાનસભા સુધી લાંબા થવું પડે છે છતાં પણ તે ન થાય તે સહુ કોઈ જાણે છે તેમાં નવાઈ પામવા જેવું નથી કેમ કે, કેટલાક ધારાસભ્યોના કામ પણ નહીં થતા હોવાની ફરિયાદ ખુદ ધારાસભ્યો કરી રહ્યા છે. તેનું ઉદાહરણ આજે મુખ્યમંત્રી કાર્યાલય ખાતે જોવા મળ્યું છે.
રોડ બનાવવા બજેટમાં જોગવાઈ તો કરી પણ ગ્રાન્ટ ફાળવવામાં ઢીલી નીતિનો આક્ષેપ
સામાન્ય લોકોને પોતાના કેટલાક કામ કરાવવા માટે સરકારી કચેરીઓ કે છેક વિધાનસભા સુધી લાંબા થવું પડે છે છતાં પણ તે ન થાય તે સહુ કોઈ જાણે છે તેમાં નવાઈ પામવા જેવું નથી કેમ કે, કેટલાક ધારાસભ્યોના કામ પણ નહીં થતા હોવાની ફરિયાદ ખુદ ધારાસભ્યો કરી રહ્યા છે. તેનું ઉદાહરણ આજે મુખ્યમંત્રી કાર્યાલય ખાતે જોવા મળ્યું છે. ટીવી સ્ક્રીન પર આપ જોઈ રહ્યા છો તે ધરણા પર બેઠેલી વ્યક્તિ કોઈ સામાન્ય નાગરિક નહીં પરંતુ એક ધારાસભ્ય છે. ગ્રામ્ય વિસ્તારના કાચા રસ્તા, તૂટેલા રસ્તાનું સમારકામ કરાવી પાકા રસ્તાઓ બનાવવા, જોબ નંબર નહીં ફાળવાતાં બાયડના કોંગ્રેસના ધારાસભ્ય જશુ પટેલ મુખ્યમંત્રીના સચિવ અવંતિકાસિંઘની ઓફિસ પાસે ધરણાં પર બેસી ગયા હતા.
રાજ્ય સરકાર પક્ષપાતી વલણ અપનાવતી હોવાનો દાવો
પ્રજાના કામ ન થતાં હોવાની વાતને લઈને માત્ર જશુભાઈ પટેલ જ નહીં,પોતાના મત વિસ્તારના કામ ન થતા હોવાના આક્ષેપ સાથે કોંગ્રેસના સાત જેટલા ધારાસભ્યો મુખ્યમંત્રીના કાર્યાલય આગળ ઘરણા પર બેસી ગયા હતા. તેમનો આક્ષેપ હતો કે, વર્ષ-2022-23ના બજેટમાં રાજ્યના તમામ ધારાસભ્યશ્રીઓને પંચાયત હસ્તકના ગ્રામીણ રસ્તાઓ સુધારવા બજેટમાં 20 કરોડની જોગવાઇ કરેલી છે પરંતુ કોંગ્રેસ પક્ષના ધારાસભ્યઓ દ્વારા પોતાના વિસ્તારના સૂચવેલા રસ્તાઓ મંજુર કરવામાં રાજ્ય સરકાર પક્ષપાતી વલણ અપનાવી રહી છે.
જોબ નંબર મેળવવા માટે અંતે તેમને ધરણાં પર બેસવું પડ્યું
આથી સચિવ અવંતિકાસિંઘની ઓફિસ પાસે એકાએક ધરણાં પર બેસી ગયેલા ધારાસભ્ય જશુ પટેલની ફરીયાદ હતી કે, બે વર્ષમાં કુલ મળીને રૂપિયા 20 કરોડની રકમના રોડના જોબ નંબર સરકારે ફાળવ્યા નથી. મુખ્યમંત્રી અને અધિકારીઓને રજૂઆત કરી છતાં કોઈ સાંભળતું નથી. ટૂંક સમયમાં ચૂંટણી યોજાશે એવા સંજોગોમાં તેમના મત વિસ્તારમાં કાચા રોડના જે કામ મંજૂર તો કર્યાં છે, પણ જોબ નંબર ન ફળવતાં કામ શરૂ થઈ શક્યાં નથી. આથી લોકોને હાલાકી પડી રહી છે આથી જોબ નંબર મેળવવા માટે અંતે તેમને ધરણાં પર બેસવું પડ્યું છે.
આ અગાઉ પણ બેઠા હતા ધરણાં પર
આપને જણાવી દઇ કે, 6 માસ અગાઉ ધારાસભ્ય જશુ પટેલ અગાઉ પણ આરોગ્ય કમિશનરની ઓફિસ સામે ઘરણાં પર બેઠા હતા. ધારાસભ્ય જશુ પટેલે તેમના વિસ્તારના આરોગ્ય કર્મચારીની બદલી માટે અધિકારીઓ તેમને વારંવાર ધક્કા ખવડાવતા હતા જેથી કંટાળીને ધારાસભ્યોએ આરોગ્ય કમિશનરની ઓફિસ ખાતે જ ધરણાં પર બેસી ગયા હતા. ત્યારે ફરીવાર તેમને આ રીતે રોડના કામે ધરણા પર બેસવાની ફરજ પડી છે.
