ગાંધીનગર / ગુજરાતઃ કોંગ્રેસે ગૃહમાં કહ્યું- રૂ. 100 પાર પેટ્રોલ ભાજપની ભેટ, મંત્રીનો જવાબ- રાજસ્થાનમાં તો 115 છે

• પેટ્રોલ-ડીઝલના ભાવ વધારાનો મુદ્દો ગુંજ્યો
• શૈલેષ પરમારે ભાવ વધારા પર કર્યો કટાક્ષ
• ભાજપની પાંચ રાજ્યોમાં જીત બાદ લોકોને ભેટ

પેટ્રોલ-ડીઝલના ભાવ વધારાનો મુદ્દો વિધાનસભામાં ગુંજયો 

આજે વિધાનસભા ગૃહમાં પેટ્રોલ અને ડીઝલના ભાવ વધારાનો મુદ્દો વિધાનસભામાં ગુંજ્યો હતો. કોંગ્રેસના  શૈલેષ પરમારે કેન્દ્ર અને રાજ્ય સરકાર સામે કટાક્ષ કરતાં જણાવ્યું હતું કે, ભાજપની પાંચ રાજ્યોમાં જીત બાદ લોકોને સરકાર તરફ પેટ્રોલ-ડીઝલમાં ભાવ વધારાની ભેટ મળી છે. તેમણે જણાવ્યું હતું કે, સરકારે ભાવ વધારો કરી પેટ્રોલનો ભાવ 100 પાર કરાવ્યો

કોંગ્રેસ શાસિત રાજસ્થાનમાં પેટ્રોલનો ભાવ 115 રૂપિયા- મંત્રી પ્રદીપ પરમાર

વિધાનસભા ગૃહમાં કોંગ્રેસના ધારાસભ્યએ શૈલેષ પરમારે કરેલા નિવેદ બાદ રાજ્ય સરકારના મંત્રી પ્રદીપ પરમારે પોતાની તીખી પ્રતિક્રિયા આપી હતી. જેમાં તેઓએ જણાવ્યું હતું કે , કોંગ્રેસ શાસિત રાજસ્થાનમાં પેટ્રોલોનો ભાવ 115 રૂપિયા  

રાજ્યમાં સતત 10 દિવસોથી પેટ્રોલ ડિઝલના ભાવ વધી રહ્યાં છે  

ઉલ્લેખનીય છે કે, ભારતમાં પેટ્રોલ અને ડીઝલમાં 22મી માર્ચથી શરૂ થયેલો ભાવવધારો 10મા દિવસે પણ ચાલુ રહ્યો હતો. સરકારી ઓઈલ કંપનીઓએ પેટ્રોલમાં 80 પૈસા અને ડીઝલમાં82 પૈસાનો ભાવવધારો કર્યો છે, જેનો અમલ બુધવારે સવારે 6 વાગ્યાથી થયો છે. આ સાથે ગયા વર્ષે નવેમ્બર પછી અમદાવાદમાં સાદું પેટ્રોલ ફરી રૂ. 100ને પાર થઈ ગયું છે. આ ભાવવધારા સાથે છેલ્લા 9 દિવસમાં પેટ્રોલ 5.20રૂપિયા, ડીઝલ 5.60 રૂપિયા મોંઘા થયા છે.