પ્રતિક્રિયા / કોંગી MLAના રાજીનામાંની અટકળો વચ્ચે કોંગ્રેસના અન્ય આ ધારાસભ્યોઓ VTVને કહ્યું કે અમે....

ખેડા જિલ્લાના ત્રણ ધારાસભ્યો નહીં છોડે કોંગ્રેસ

રાજ્યના રાજકારણમાં કોંગ્રેસના ધારાસભ્યોના રાજીનામાંને લઇને ચાલી રહેલી અટકળો વચ્ચે ખેડા જિલ્લાના ત્રણ ધારાસભ્યો કોંગ્રેસ નહીં છોડે તેવું સામે આવ્યું છે. આ તમામ ધારાસભ્યો કોંગ્રેસની બેઠકમાં હાજર રહેશે. જેમાં ઠાસરના ધારાસભ્ય કાંતિભાઇ પરમાર, મહુધાના ધારાસભ્ય ઇન્દ્રજીત પરમાર તેમજ કપડવંજના ધારાસભ્ય કાળુસિંહ ડાભી પણ કોંગ્રેસની બેઠકમાં હાજર રહેશે. 

ઠાસરાના ધારાસભ્ય કાંતિભાઈ પરમારે કરી vtv સાથે વાતચીતમાં જણાવ્યું કે હું કોંગ્રેસ માં જ છું કોંગ્રેસ માં જ રહીશ. મારા રાજીનામાંની વાત બિલકુલ ખોટી અફવા છે. હું કોંગ્રેસ ધારાસભ્યની બેઠકમાં હાજર રહીશે. 

પાટણ જિલ્લાના ધારાસભ્યો કોંગ્રેસની બેઠકમાં હાજર રહેશે

કોંગ્રેસના ધારાસભ્યોના રાજીનામાં વચ્ચે પાટણ જિલ્લાના ધારાસભ્ય કિરિટ પટેલે જણાવ્યું છે કે તેઓ ગાંધીનગર ખાતે કોંગ્રેસની બેઠકમાં હાજર રહેશે. આ સાથે સિદ્ધપુરના ધારાસભ્ય ચંદનજી ઠાકોર, રાધનપુરના ધારાસભ્ય રઘુ દેસાઇ પ્રદેશની બેઠકમાં હાજર રહેશે. આમ પાટણ જિલ્લાના ત્રણેય ધારાસભ્યો પ્રદેશની મીટિંગમાં હાજર રહેશે. ચંદનજી ઠાકોરે ટેલિફોનિક વાતચીતમાં જણાવ્યું કે પાટણ જિલ્લાના ત્રણેય ધારાસભ્યો હાલ ગાંધીનગર ખાતે તેમના સરકારી ક્વાર્ટરમાં સાથે છે. 

જામનગર જિલ્લાના કોંગ્રેસના ધારાસભ્ય પ્રવીણ મુસડીયાએ વી ટીવી સાથે  વાતચીત કરી હતી. જેમાં પ્રવીણ મુસડીયાએ કહ્યું કે હું કોંગ્રેસમાં જ છું અને રહીશ. મારી તબિયત સારી ન હોવાથી હાલ કાલાવડ ખાતે જ છું. કોઈ અફવા ફેલાવે છે હું અહી જ છું.

બનાસકાંઠાના દિયોદરના કોંગ્રેસ ધારાસભ્ય શિવા ભાઈ ભુરીયા અમદાવાદમાં છે. ધારાસભ્ય શિવાભાઇ ભુરીયા એ કહ્યું કે તેઓ કોંગ્રેસની મિટિંગમાં હાજરી આપશે. કોંગ્રેસ પક્ષ સિવાય બીજું વિચારવાનું પણ ન હોય. ગમે તેવી પરિસ્થિતિમાં હમેશા કોંગ્રેસ પક્ષ સાથે રહ્યો છું. 

જો કે પાલનપુર કોંગ્રેસના ધારાસભ્ય મહેશ પટેલ મિટિંગમાં નહિ જાય. જો કે તેઓ હાલ અંગત કામ હોવાના કારણે હાલ પાલનપુરમાં છે. જો કે મિટિંગમાં નહીં આવી શકે તેવી પ્રદેશમાં પહેલેથી જ જાણ કરી હતી. તેઓ કોંગ્રેસ પક્ષ સાથે જ જોડાયેલા રહેશે.