મહેસાણામાં યુવતીને ભગાડી જવાના મામલે બે જૂથ વચ્ચે અથડામણ

મહેસાણા: કડી તાલુકાના વડુ ગામમાં પ્રેમલગ્ન મામલે મંગળવારે બે જૂથ વચ્ચે હિંસક અથડામણ થઇ હતી. હથિયારો સાથે કરાયેલા હુમલામાં 3 લોકોને ગંભીર ઇજા પહોંચી હતી. તેમજ બે દુકાનોને આગ ચાંપતા ભારે દોડધામ મચી ગઇ હતી. 

આ અંગે પ્રાપ્ત થતી વિગતોનુસાર પ્રેમલગ્ન બાબતે બારોટ અને ઠાકોરના જૂથ મામલે અદાવત ચાલતી હતી. આ અદાવતના કારણે મોટી રાતે બંને જૂથો આમનેસામે આવી જતાં પથ્થરમારો કર્યો હતો. તેમજ બે દુકાનોને આગ ચાંપતા બળીને ખાક થઇ ગઇ હતી. 

આ ઘટનાની જાણ થતાં નંદાસણ પોલીસ ઘટના સ્થળે પહોંચી ગઇ હતી. બાદમાં પરિસ્થિતિને પહોંચી વળવા જિલ્લાભરની પોલીસ ગામમાં ખડકી દેવાઇ હતી.