અગસ્તા વેસ્ટલેન્ડ / અગસ્તા વેસ્ટલેન્ડઃ EDનું આરોપનામું, મિશેલે 'AP'નો ઉલ્લેખ અહેમદ પટેલ માટે કર્યો..

અગસ્તા વેસ્ટલેન્ડ વીવીઆઇપી હેલિકોપ્ટર ડીલ મામલે ઇડીએ ગુરૂવારે અહી કોર્ટમાં આરોપનામું દાખલ કર્યું છે. જેમાં મળતાં એક અહેવાલ મુજબ ધરપકડ કરાયેલા વચેટિયા કિશ્ચિયન મિશેલે 'AP'નો મતલબ અહેમદ પટેલ માટે કર્યો છે. 
 

ઇડી દ્વારા રજૂ કરાયેલા આરોપપત્રમાં જણાવવામાં આવ્યું છે કે બજેટ પત્રના અનુસાર દેશભરમાં વીવીઆઇપીની સવારી માટે હેલિકોપ્ટરની ખરીદી માટેની ડીલને અગસ્તા વેસ્ટલેન્ડના પક્ષમાં કરવા માટે વાયુસેના અધિકારીઓ, અમલદારો અને રાજનેતાઓને ત્રણ કરોડ યૂરોની ચૂકવણી કરવામાં આવી હતી.
 


ઇડીએ જણાવ્યું કે લાંચ મેળવનારાઓમાં કેટલાક વર્ગોના લોકો સામેલ છે જેમાં વાયુસેનાના અધિકારી, રક્ષા મંત્રાલયના ઓફિસર સહિત નોકરશાહ અને તત્કાલીન સત્તાધારી પક્ષના દિગ્ગજ નેતા હતા.  અગસ્તા વેસ્ટલેન્ડ કૌભાંડ મામલે EDની ચાર્જશીટમાં મોટો ખુલાસો કરવામાં આવ્યો છે.
 

આ ચાર્જશીટમાં વચેટિયા ક્રિશ્ચિયન મિશેલે AP નો મતલબ અહમદ પટેલ અને FAM નો મતલબ ફેમિલી કહ્યો છે. તેમજ EDની ચાર્જશીટ મુજબ વચેટિયા ક્રિશ્ચિયન મિશેલે ઘણા એરફોર્સ અધિકારીઓ અને રાજકીય નેતાઓને 30 મિલિયન યુરો લાંચ આપી છે.

મિશેલના એક પત્ર મુજબ તત્કાલીન PM મનમોહન સિંહ પર કોંગ્રેસના નેતાઓ દ્વારા દબાણ કરવામાં આવ્યુ હતુ. તેવો ઉલ્લેખ પણ EDની ચાર્જશીટમાં કરવામાં આવ્યો છે. મહત્વનું છે કે, EDની ચાર્જશીટમાં RG શબ્દનો પણ ઉલ્લેખ કરવામાં આવ્યો છે. પરંતુ ક્રિશ્ચિયન મિશેલે તેના વિશે કોઈ પુષ્ટિ કરી નથી.