પ્રતિબંધિત / TikTok બૅન થતાં આ દેશી ઍપને પડી ગઈ મોજ, 72 કલાકમાં ડાઉનલોડનો આંકડો ચોંકાવાનારો

• ટીકટોક પર ભારે પડી ચિંગારી
• ભારતમાં ટીકટોક સહિત 59 એપ્સ પર બૅન 
• ચાઇનીઝ એપનો કરવામાં આવ્યો બહિષ્કાર

નોંધનીય છે કે, બાયકોટ ચાઇના અભિયાન જોર પકડ્યા બાદ તાજેતરમાં આવી જ બીજી દેશી એપ્લિકેશન 'મિત્રો' પણ લોકપ્રિય થઈ હતી.

દિગ્ગજોની પ્રશંસા

સુરક્ષા અને ગોપનીયતાનાં કારણે સરકારે ટીકટોક જેવી ચીનની 59 એપ્સ પર પ્રતિબંધ મૂક્યો છે. આ પછી, ઘણા લોકો તેમના ભારતીય અને અન્ય વિકલ્પોની શોધ કરી રહ્યા છે. મહિન્દ્રા ગ્રુપના અધ્યક્ષ આનંદ મહિન્દ્રા અને કેન્દ્ર સરકારના આચાર્ય આર્થિક સલાહકાર (પીઇએ) સંજીવ સન્યાલે ટ્વિટ કરીને સ્થાનિક સોશ્યલ મીડિયા એપ્લિકેશન 'ચિંગરી' ની પ્રશંસા કરી અને તેને ભારતનું 'ટિકટોક' ગણાવ્યું.

આનંદ મહિન્દ્રાએ શું કહ્યું

I hadn’t ever downloaded TikTok but I have just downloaded Chingari... More power to you... https://t.co/9BknBvb8j3

— anand mahindra (@anandmahindra) June 28, 2020

ઉદ્યોગપતિ આનંદ મહિન્દ્રાએ ટ્વીટ કર્યું હતું કે 'મેં ક્યારેય ટિકટોક ડાઉનલોડ નથી કર્યુ, પરંતુ મેં ચિંગારી ડાઉનલોડ કરી છે. 

શું છે વિશેષતા

આ એપ્લિકેશનની શરૂઆત બેંગલુરુમાં સુમિત ઘોષ અને બિશ્વતમા નાયક દ્વારા સ્થાપિત એક સ્ટાર્ટઅપ દ્વારા કરવામાં આવી છે. અત્યાર સુધીમાં આ એપ્લિકેશનના લગભગ 25 લાખ ડાઉનલોડ થઈ ચૂક્યા છે અને તેનો હિન્દી અને અંગ્રેજી સહિત 9 ભાષાઓમાં ઇન્ટરફેસ છે. હવે બંને ઉદ્યમીઓ તેને સુપર એપ 'ભારત' માં ફેરવવાની તૈયારી કરી રહ્યા છે.

સન્યાલે કરી આ વાત 

Was never into TikTok but have downloaded #Chingari. Content seems equally nutty.... But is our nutty platform.

And my next car will be an Indian brand. This winter. #BeVocalForLocal

— Sanjeev Sanyal (@sanjeevsanyal) June 29, 2020

સંજીવ સન્યાલે ટ્વિટ કર્યું હતું કે 'મેં ક્યારેય ટીક્ટોક સાથે કનેક્ટ કર્યું નથી, પરંતુ ચિંગારી ડાઉનલોડ કરી છે. તેનો કોન્ટેન્ટ મનોરંજક છે અને આવતા શિયાળામાં મારી આગામી કાર પણ ભારતીય બ્રાન્ડની હશે.

બૅનનો સામનો કરતી અન્ય લોકપ્રિય ચાઇનીઝ એપ્લિકેશનોમાં યુસી બ્રાઉઝર, યુસી ન્યૂઝ અને એમઆઈ કમ્યુનિટિ જેવી લોકપ્રિય એપ્લિકેશનો સામેલ છે.