ચીનના વૈજ્ઞાનિકોએ ફ્લૂના જેવો જ એક નવો વાયરસ શોધ્યો છે જે કોરોના વાયરસની જેમ મહામારીનું રૂપ ધારણ કરી શકે છે. આ વાયરસ G4 EA H1N1ના નામથી ઓળખાય છે. આ ફ્લૂનો વાયરસ ભૂંડમાંથી મળ્યો છે. વૈજ્ઞાનિકોનું માનવું છે કે તે માણસોને પણ સંક્રમિત કરી શકે છે. શોધકર્તાઓને ડર છે કે આ નવો વાયરસ અને વધારે મ્યૂટેટ થઈને સરળતાથી એક વ્યક્તિથી અન્ય વ્યક્તિમાં ફેલાઈ શકે છે.
ચીનમાં વધુ એક વાયરસની દસ્તક
ફલૂનો નવો વાયરસ માણસને સંક્રમિત કરવાની ધરાવે છે ક્ષમતા
G4EA H1N1ના નામથી ઓળખાય છે વાયરસ
G4 EA H1N1 વાયરસથી દુનિયામાં મહામારીનો ખતરો સર્જાઈ શકે છે. વૈજ્ઞાનિકોનું કહેવું છે કે આ ફ્લૂ વાયરસમાં એ દરેક લક્ષણો છે જેનાથી તે માણસોને સંક્રમિત કરી શકે છે. આ વાયરસની નજીકથી દેખરેખ જરૂરી છે કારણકે આ નવો વાયરસ છે અને માટે લોકોમાં તેની રોગ પ્રતિરોધક ક્ષમતા ઓછી હશે અથવા હશે જ નહી.
દુનિયામાં ફેલાયો મહામારીનો ભય
દુનિયામાં ઈન્ફ્લુએન્ઝાની નવી જાતિ એ બીમારીઓમાં સામેલ છે જેની પર વૈજ્ઞાનિકોની નજર છે. તેઓ કોરોનાને ખતમ કરવા ઝઝૂમી રહ્યા છે. દુનિયામાં છેલ્લી વાર 2009માં ફ્લૂની બીમારી આવી હતી અને તે સ્વાઈન ફ્લૂ કહેવાઈ હતી. મેક્સિકોથી શરૂ થયેલો આ સ્વાઈન ફ્લૂ ખાસ ઘાતક ન હતો. તેને માટે વૃદ્ધ વ્યક્તિઓમાં પણ રોગ પ્રતિરોધક શ્રમતા હતી. આ વાયરસ A/H1N1pdm09 દર વર્ષે લાગનારી ફ્લૂ વેક્સીનમાં આવે છે. તીનમાં જે ફ્લૂની ઓળખ થઈ છે તે સ્વાઈન ફ્લૂ જેવો છે. તેમાં થોડો ફેરફાર છે પણ કોઈ ખાસ ખતરો હાલના સ્તરે જોવા મળી રહ્યો નથી.
અત્યારની વેક્સીન આ વાયરસ માટે કામ કરશે નહીં
આ નવા વાયરસ G4 EA H1N1ની અંદર પોતાની કોશિકાઓ અનેક ગણી ક્ષમતા ધરાવે છે. ફ્લૂની હાલની રસી આ વાયરસની વિરોધમાં લડવા સક્ષમ નથી. વૈજ્ઞાનિકો હાલમાં કોરોનાના પર ધ્યાન કેન્દ્રિત કરી રહ્યા છે. તેમનું માનવું છે કે આ વાયરસ અત્યારે ખતરારૂપ નથી પણ તેને નજરઅંદાજ પણ કરી શકાય નહીં. ભૂંડમાં આ વાયરસને રોકવાને માટેના પગલાં લેવા વિચારણા થઈ રહી છે. અહીં કામ કરનારા લોકો પર પણ તેને લાગૂ કરાશે. વૈજ્ઞાનિકોએ ચેતવણી આપી છે કે હજુ આગળ જતાં વધારે વાયરસ આવવાનો ખતરો વધી રહ્યો છે.