તમારા કામનું / શું તમે પણ એક કરતા વધારે બેન્ક એકાઉન્ટ ખોલાવ્યા છે? નુકસાનથી બચવું હોય તો જરૂર જાણીલો આ નિયમ

• બેન્ક એકાઉન્ટને લઈને આ વાતોનું રાખો ધ્યાન 
• નહીં તો ડિએક્ટિવેટ થઈ શકે છે તમારૂ ખાતુ 
• એક કરતા વધારે બેન્ક એકાઉન્ટ હોય તો જાણી લો આ વાતો 

બેંકો ગ્રાહકોને એકસાથે અનેક ઑફર્સનો લાભ આપે છે. તમારી પાસે જે બેંકનું કાર્ડ છે તેના આધારે તમને ઘણી સુવિધાઓ પણ મળશે. આ ખાસ કરીને ક્રેડિટ કાર્ડ્સ પર આ વાત સંપૂર્ણ રીતે લાગુ થાય છે. પરંતુ આજકાલ ડેબિટ કાર્ડ પર પણ ઘણી સુવિધાઓ ઉપલબ્ધ છે. આ ફાયદાને ધ્યાનમાં રાખીને, લોકો એક સાથે અનેક બેંક કાર્ડ રાખે છે. 

આ માટે તેમને અલગ-અલગ બેંકોમાં ખાતા ખોલાવવામાં કોઈ તકલીફ હોતી નથી. એક કરતાં વધુ બેંકોમાં ખાતું હોવું સારી બાબત છે. પરંતુ કેટલીક મહત્વપૂર્ણ બાબતોનું ધ્યાન રાખવું જોઈએ. જો તમે આમ નહીં કરો તો બેંક કાર્ડ પર નફાને બદલે તમને મોટું નુકસાન થઈ શકે છે. આવો જાણીએ કઈ કઈ બાબતોનું ધ્યાન રાખવું જરૂરી છે.

મિનિમમ બેલેન્સ 
બેંક ખાતામાં મિનિમમ બેલેન્સ જાળવવું જરૂરી છે. દરેક બેંકના પોતાના નિયમો હોય છે જેના હેઠળ ખાતામાં દર મહિને ચોક્કસ બેલેન્સ જાળવવાનું હોય છે. બેંકો બેંકિંગ સુવિધાઓના ખર્ચ અને એકાઉન્ટ ચલાવવાના ખર્ચને ધ્યાનમાં રાખીને આ બેલેન્સ નક્કી કરે છે. તેથી જો દર મહિને નિર્ધારિત લઘુત્તમ બેલેન્સ જાળવી રાખવામાં ન આવે, તો બેંક તમારી પાસેથી કેટલાક ચાર્જ વસૂલ કરી શકે છે. આ ચાર્જથી બચવા માટે દરેક સમયે મિનિમમ બેલેન્સ જાળવવું જરૂરી છે.

 
વિડ્રોવલ લિમિટ
મિનિમમ બેલેન્સની જેમ, તમારા બેંક કાર્ડમાં વિડ્રોવલની ખાસ મર્યાદા હોય છે. બચત ખાતાના ડેબિટ કાર્ડ પર દરરોજ વિડ્રોવલની મર્યાદા નક્કી કરવામાં આવે છે. આ મર્યાદા અનુસાર, એક દિવસમાં મહત્તમ રકમ ઉપાડી શકાય છે. આ હિસાબથી જો તમે વધુને વધુ બેંક ખાતા રાખો છો, તો તમને એક દિવસમાં મહત્તમ રકમ વિડ્રોવલની સુવિધા મળે છે. 

બેન્ક એકાઉન્ટ ખોવા પર કોઈ મર્યાદા હોતી નથી. પરંતુ તમારે તે એકાઉન્ટ એક્ટિવ રાખવું પડશે. તમારે તે એકાઉન્ટમાં પણ ટ્રાન્ઝેક્શન કરવાનું ચાલુ રાખવું પડશે. જો તમે આમ નહીં કરો તો એકાઉન્ટ નિષ્ક્રિય થઈ જશે. તે એકાઉન્ટને પછીથી એક્ટિવેટ કરવા માટે તમારે અલગ ચાર્જ ચૂકવવો પડશે.

બેંક ચાર્જિસ
તમારા બેંક એકાઉન્ટ પર ઘણી બધી મફત સુવિધાઓ ઉપલબ્ધ છે. આમ વધુ બેંક ખાતા એટલે વધુ મફત સુવિધાઓ. પરંતુ કેટલીક સેવાઓ પૈસા વાળી પણ હોય છે. આ સુવિધાઓ મેળવવા માટે તમારે અલગ-અલગ ફી અને ચાર્જ ચૂકવવા પડશે. 

ઘણીવાર એવું જોવા મળે છે કે ગ્રાહકો આવી ફી અને ચાર્જીસ વિશે બહુ જાગૃત હોતા નથી. ખાતું ખોલાવતી વખતે, તમારે આ વિશેષ સુવિધાઓ અને તેના પર વસૂલાતા ચાર્જ વિશે બેંક પાસેથી સંપૂર્ણ માહિતી મેળવવી જોઈએ.

ઈન્શ્યોરન્સનો ફાયદો
જો તમે કોઈપણ બેંકમાં ખાતું ખોલાવ્યું છે. તો જાણી લો કે દરેક ખાતા પર વીમા કવચની સુવિધા ઉપલબ્ધ છે. ગ્રાહકને એક ખાતા પર 5 લાખ રૂપિયાનો વીમો મળે છે. પહેલા આ રકમ 1 લાખ રૂપિયા હતી જે વધારીને 5 લાખ કરવામાં આવી છે. આ વીમો ઘણી રીતે મેળવી શકાય છે. આ વીમો અકસ્માતના કિસ્સામાં કામ આવે છે. અથવા જો બેંક નાદાર થઈ જાય, તો આ વીમા કવર કામમાં આવે છે.