Farm Laws / કૃષિ કાયદા પાછા ખેંચવાના નિર્ણય પર આજે કેબિનેટની લાગી શકે છે મહોર, મંત્રાલયની તૈયારી શરૂ

• PM મોદીએ કૃષિ કાયદા પાછા ખેંચવાની જાહેરાત કરી હતી
• આને બુધવારે કેન્દ્રીય કેબિનેટની મંજૂરી મળી શકે
• ખેડૂતો આને મોટી જીત તરીકે જોઈ રહ્યા છે

કૃષિ કાયદાઓને પાછા ખેંચતા બિલોને બુધવારે કેન્દ્રીય કેબિનેટની મંજૂરી મળી શકે છે. માઇનિંગના મંત્રી પ્રહલાદ જોશીએ કહ્યું કે કૃષિ મંત્રાલય આ માટે તૈયારી કરી રહ્યું છે. સંસદમાં ચર્ચાની તારીખ પણ ટૂંક સમયમાં નક્કી કરવામાં આવશે. કેબિનેટની મંજૂરી બાદ 29 નવેમ્બરથી શરૂ થઈ રહેલા સંસદના સત્રમાં બિલો મૂકવામાં આવશે.

PMએ કરી વાપસી, કાયદો પરત કરવાની જાહેરાત કરી
વડા પ્રધાન નરેન્દ્ર મોદીએ તાજેતરમાં રાષ્ટ્રને સંબોધનમાં ત્રણ કૃષિ કાયદાઓ પાછા ખેંચવાની જાહેરાત કરી હતી. પીએમએ આ દરમિયાન કહ્યું હતું કે આ કાયદા ખેડૂતોના હિતમાં છે, પરંતુ અમે ખેડૂતોને કાયદાનું મહત્વ સમજાવી શક્યા નથી, તેથી ત્રણેય કાયદાઓ પાછા ખેંચવામાં આવી રહ્યા છે.

જ્યાં સુધી પ્રક્રિયા પૂરી ન થાય ત્યાં સુધી ખેડૂતો રહેશે
બીજી તરફ પીએમની જાહેરાતને લઈને ખેડૂતોમાં ઉત્સાહ જોવા મળી રહ્યો છે. ખેડૂતો આને મોટી જીત તરીકે જોઈ રહ્યા છે, PM મોદીએ ખેડૂતોને ઘરે પરત ફરવા અપીલ કરી હતી પરંતુ ખેડૂતોના સંગઠનોનું કહેવું છે કે જ્યાં સુધી સંસદની પ્રક્રિયા પૂર્ણ નહીં થાય ત્યાં સુધી તેઓ વિરોધ ચાલુ રાખશે.