ફરિયાદ / નવી મુસીબતમાં આઝમ ખાન, હવે ભેંસ ચોરીના આરોપમાં FIR દાખલ

સમાજવાદી પાર્ટીના સાંસદ આઝમ ખાનની સમસ્યા વધતી જઇ રહી છે. ઉત્તર પ્રદેશના રામપુરથી સાંસદ આઝમ ખાન પર હવે ભેંસ ચોરીનો આરોપ લાગ્યો છે. એમની વિરુદ્ધ રામપુરમાં એફઆઇઆર દાખલ કરાવવામાં આવી છે. સપા સાંસદની વિરુદ્ધ બે લોકોએ એફઆઇઆર દાખલ કરાવી છે. 

એક શખ્સે બે ભેંસ અને બીજાએ એક ભેંસ ચોરી થવાની એફઆઇઆર દાખલ કરાવી છે. મામલામાં આઝમ ખાન સહિત 6 નામંકિત છે. તો બીજી બાજુ 20 થી 30 અજ્ઞાત લોકોની વિરુદ્ધ ધારા 504, 506, 427, 395, 448 અને 492 હેઠળ કેસ દાખલ થયો છે. 

જણાવી દઇએ કે વર્ષ 2014માં ખુદ આઝમ ખાનની ભેંસો ચોરી થઇ ગઇ હતી. આ મામસો ચર્ચામાં પણ રહ્યો હતો. લાંબા સમય સુધી મીડિયા અને રાજકારણમાં ચર્ચાનું કેન્દ્ર રહેલા આ મામલામાં પોલિસને પાંચ મહિના બાદ સફળતા મળી હતી. યૂપી પોલીસે ભેંસ ચોરને શોધી કાઢ્યો હતો. જે વર્ષે આઝમ ખાનની ભેંસ ચોરી થઇ હતી એ દરમિયાન રાજ્યમાં સમાજવાદી પાર્ટીની સરકાર હતી અને અખિલેશ યાદવ મુખ્યમંત્રી હતા. પરંતુ હવે સમગ્ર આઝમ ખાન વિરુદ્ધ છે. 

પહેલા જ્યાં એમની જ ભેંસ ચોરી થઇ અને સરકાર પણ એમની જ હતી. પરંતુ હવે એમની વિરુદ્ધ ભેંસ ચોરીનો આરોપ લાગ્યો છે અને સત્તા ભાજપની પાસે છે અને ભાજપના આવ્યા બાદ એમની મુશ્કેલીઓ સતત વધતી જઇ રહી છે. 

આ પહેલા બુધવારે આઝમ ખાન પર ચાલી રહેલા 29 કેસોમાં જિલ્લા કોર્ટમાં અગ્રિમ જામીન અરજી ફગાવી દેવામાં આવી. આઝમ ખાનની વિરુદ્ધ જમીન વિવાદ, લોક પ્રતિનિધિ અધિનિયમ અને બીજા ઘણા મામલે જિલ્લા કોર્ટે અગ્રિમ જામીન અરજી ફગાવી દીધી. 

આઝમ ખાન ઝાડ કપાવવાના મામલે પણ ફસાયા છે. સપા સાંસદ ડોહર યૂનિવર્સિટીને ભાડેથી આપેલી જમીનથી ખેરના ઝાડ ગુમ કરવાના કેસમાં ફસાયેલા છે.