Budget 2020 / શેરબજારને બજેટ હજમ ન થયું, કરોડોની માર્કેટ કેપિટલ ધોવાઈ ગઈ; જાણો કેટલી?

• સાંસદમાં બજેટને કારણે શેર માર્કેટમાં કડાકો,
• સેન્સેક્સ અને નિફ્ટી આંકડો નીચે ગયો
• ભારતીય શેર માર્કેટ સંસદમાં બજેટ પછી પારાવાર ગગડ્યો

બજેટનાં કારણે આજે શેર બજારમાં વ્યવહારો થયા

આજે બજેટનાં કારણે બોમ્બે સ્ટૉક એક્સચેન્જ અને નેશનલ સ્ટૉક એક્સચેન્જે એક સત્તાવાર જાહેરાત કરી હતી અને જણાવ્યું હતું કે અન્ય વ્યવસાયીક દિવસોની જેમ શનિવારે પણ સેન્સેક્સ - નિફ્ટીમાં વ્યવહાર થશે. ભારતમાં શનિવાર અને રવિવારે શેર બજાર બંધ રહે છે. બીએસઈની સુચના મુજબ એક ફેબ્રુઆરીની સવારે 9 વાગ્યાથી બપોરનાં 3.30 વાગ્યા સુધી વ્યવહાર ચાલ્યો હતો. એનએસઈમાં પણ આજ સમય હતો. આ દરમિયાન સામાન્ય વ્યવહાર થયો હતો. બજેટ દરમિયાન શેર માર્કેટ ખુલ્યું હતું. જોકે નાણામંત્રીનાં ભાષણ દરમિયાન શેર બજારમાં ઉતાર-ચઢાવ જોવા મળ્યો હતો. 

LICના શેરમાં ઉછાળો જોવા મળ્યો હતો

બજેટ 2020નાં દિવસે બજાર લાલ નિશાન સાથે ખુલ્યું હતું. બોમ્બે સ્ટૉક એક્સચેન્જની મુખ્ય ઈન્ડેક્સ સેન્સેક્સ સવારે 9.18 વાગે 167.60 અંક એટલે કે 0.41 ટકાની ઘટાડા પછી 40,555નાં સ્તર પર વ્યવહાર થયો હતો. ત્યાં નેશનલ સ્ટૉક એક્સચેન્જનો નિફ્ટી 60.35 અંક એટલે કે 0.50 ટકાના ઘટાડા બાદ 11,901.75ના સ્તર પર વ્યવહાર થઈ રહ્યો હતો.  ઉલ્લેખનીય છે કે ટેક્સ સ્લૈબમાં મોટા ફેરફારની જાહેરાત બાદ શેર બજાર તુટ્યું હતું. જ્યારે કે LICના શેરમાં ઉછાળો જોવા મળ્યો હતો. 

જાણો આટલા પોઈન્ટનો ઘટાડો

બપોરે 3.40 સુધી સેન્સેક્સે 1000 પોઈન્ટનો ભારે ઘટાડો નોંધાયો હતો. અને સેન્સેક્સ 39 હજાર પોઈન્ટની નીચે આવી ગયો હતો. એક જ દિવસ માટે આ શેર બજારમાં થયેલી ભારે ઉથલપાથલ હતી.

ગત વર્ષ બજેટ સમયે શું હતી બજારની સ્થિતી

જુલાઈ 2019માં નાણામંત્રી નિર્મલા સીતારમણે મે માં સામાન્ય ચૂંટણીમાં સત્તા વાપસી પછી પીએમ નરેન્દ્ર મોદીની સરકારે પહેલું બજેટ રજુ કર્યું હતું. આ દિવસનાં વ્યવહારમાં બજારમાં 0.99 ટકા તુટ્યું હતું. સેન્સેક્સ 1.17 ટકા નીચે ગયું હતું. બજેટ રજુ થવાનાં આગલા દિવસની ઈન્ડેક્સમાં 2.01 ટકા ઘટાડો નોંધાયો હતો.