કેરળની દુલ્હન અને વેડિંગ ફોટોગ્રાફરે રસ્તા પર પાણીથી ભરેલા ખાડાને બતાવવા માટે રોડ પર જ ફોટોશૂટનો નિર્ણય કર્યો. લાલ સાડીમાં તૈયાર થયેલી દુલ્હનની પાણીથી ભરેલા રસ્તા પર ચાલી રહેલી તસ્વીરો વાયરલ થઇ છે.
દુલ્હને લાલ સાડી પહેરીને તૈયાર થઇને કરાવ્યું ફોટોશૂટ
પાણીથી ભરેલા ખાડાવાળા રસ્તા પર ચાલીને કરાવ્યું ફોટોશૂટ
બિસ્માર રસ્તાની સ્થિતિ બતાવવા માટે દુલ્હને રસ્તા પર કરાવ્યું ફોટોશૂટ
દેશના ઘણા રાજ્યોમાં હાલમાં ભારે વરસાદ થઇ રહ્યો છે અને તેને પગલે શેરી અને રસ્તામાં પાણી ભરાયેલુ છે. દરેક વ્યક્તિ માટે પોતાના શહેરની સમસ્યાઓને દુનિયા સામે રાખવી સરળ હોતી નથી. પરંતુ કેરળમાં એક દુલ્હને બિસ્માર રસ્તાને ફોટોશૂટ દ્વારા ચર્ચામાં લાવી દીધો છે. કેરળની દુલ્હન અને વેડિંગ ફોટોગ્રાફરે રસ્તા પર પાણીથી ભરેલા ખાડાને બતાવવા માટે રસ્તા પર ફોટોશૂટ કરવાનો નિર્ણય લીધો. લાલ જોડામાં તૈયાર થયેલી દુલ્હનની પાણીથી ભરેલા રસ્તા પર ચાલતી તસ્વીરો અને વીડિયો સોશિયલ મીડિયામાં વાયરલ થઇ રહ્યાં છે.
લાલ સાડીમાં તૈયાર થયેલી દુલ્હનને જોઇને થઇ જશો આફરિન
અત્યાર સુધી આ વીડિયોને 4 મિલિયનથી વધુ વ્યુજ મળ્યાં છે. લાલ સાડીમાં તૈયાર થયેલી દુલ્હનની તસ્વીરો સોશિયલ મીડિયામાં વાયરલ થઇ રહી છે. આ વાયરલ વીડિયોને ઈન્સ્ટાગ્રામમાં એરો વેડિંગ કંપનીએ શેર કર્યો છે. આ વીડિયોમાં જોઇ શકાય છે કે દુલ્હન કેવીરીતે પરંપરાગત ડ્રેસમાં તૈયાર થઇને અને ભારે ઘરેણા પહેરીને નિકળે છે. તે ખાડાવાળા રસ્તા પરથી પસાર થઇ રહી છે, જેમાં પાણી ભરાયેલુ છે અને રસ્તા પરથી મોટી સંખ્યામાં વાહન પસાર થઇ રહ્યાં છે. આ વીડિયોને યુઝર્સે ખૂબ પસંદ કર્યો છે.
અત્યાર સુધી ઈન્સ્ટાગ્રામ પર આ વીડિયોને 4 મિલિયનથી વધુ વ્યુજ મળ્યાં છે. યુઝર્સે દુલ્હન અને વેડીંગ ફોટોગ્રાફરના આઈડિયા અને ક્રિએટીવિટીના ભરપૂર વખાણ કર્યા છે. વીડિયો સિવાય ફોટોગ્રાફરે દુલ્હનની રસ્તા પર ચાલતી અમુક તસ્વીરો શેર કરી છે.