OMG / સુહાગરાતે દુલ્હને કરી એવી હરકત કે વરરાજાના ઉડી ગયા હોશ, જાણો શું છે ઘટના 

• કાનપુરમાં સામે આવી વિચીત્ર ઘટના
• દુલ્હને સુહાગરાતે કરી એવી હરકત કે..
• દુલ્હાની આંખ ખુલી ત્યારે હોશ ઉડી ગયા 

લગ્ન એ સાત જન્મનો નાતો છે તેવું કહેવામાં આવે છે પરંતુ કેટલાક લગ્નો એક જન્મ પણ ટકી શકતા નથી અને લગ્નના પવિત્ર સંબંધને લજવે છે. કાનપુરમાં એક એવી જ ઘટના સામે આવી છે જ્યાં વરરાજા પોતાના લગ્નથી ખુબ ખુશ હતો અને સુહાગરાતની તૈયારી કરી રહ્યો હતો પરંતુ દુલ્હનની હરકતથી તેના હોશ ઉડી ગયા હતા. 

શું હતી ઘટના 
વરરાજા અને દુલ્હન બંને લગ્ન પછી ઘરે આવ્યા અને દુલ્હને વરરાજાને દૂધમાં ઉંઘની ગોળીએ ભેળવીને આપી દીધી હતી. દૂધ પીધા બાદ પતિ સૂઇ ગયો અને જ્યારે તેની આંખ ખૂલી ત્યારે રૂમમાંથી કિમતી વસ્તુઓ ગાયબ હતી. દુલ્હન 25 હજાર કૅશ અને 3 લાખ રૂપિયાના દાગીના લઇને રફૂચક્કર થઇ ગઇ હતી. 

રસૂલાબાદ પોલીસ સ્ટેશન ક્ષેત્રમાં રહેતા ધીરજ સિંહ ઉર્ફ નવાબ પિતા સાથે ખેતી કામ કરે છે અને ધીરજના લગ્ન નક્કી થયા 27 તારીખે લગ્ન કરીને ઘરે આવ્યા હતા. દુલ્હન ઘરેણા લઇને ફરાર થઇ ગઇ હતી. 

અડધા ઘરેણા મોટી બહેનના હતા 
બુધવારે લગભગ ચાર વાગે વરરાજાની આંખ ખુલી ત્યારે તેણે જોયુ કે રૂમનો સામાન વિખેરાયેલો છે અને તેણે બહાર જઇને ઘરના લોકોને દુલ્હન વિશે પૂછ્યુ તો તેમણે કહ્યું કે ક્યાં ગઇ છે કોઇ જાણકારી નથી. પરિવારના લોકોએ સામાન તપાસ્યો તો 25 હજાર કેશ અને 3 લાખના ઘરેણા ગાયબ હતા. તેમાં અડધા ઘરેણા મોટી બહેનના હતા. 

2 અલગ નંબરથી આવ્યા ફોન 
ધીરજ અને તેનો પરિવાર દુલ્હનની શોધમાં નીકળી પડ્યા હતા. દુલ્હનનો ફોન ઓફ આવી રહ્યો હતો. મંગળવારે દુલ્હનને બે અલગ અલગ નંબરથી ફોન આવ્યા હતો જે બાદ પત્ની દૂધ લઇને આવી અને વરરાજા સૂઇ ગયો હતો.