બેદરકારી / હાઈકોર્ટની ટકોર બાદ પણ ભાજપના નેતા બેફામ, પાલનપુરમાં સાંસદની હાજરીમાં હેકડેઠેટ જનમેદની

• પાલનપુરમાં ફરીથી ઉડ્યા સામાજિક અંતરના ધજાગરા
• ટાઉનહોલના ઈ-લોકાર્પણ કાર્યક્રમમાં નિયમોનો ભંગ
• સાંસદ સાથે ફોટો પડાવવા લોકોની ભીડ ઉમટી

ભાજપના નેતાઓ અને કાર્યકરો હાઇકોર્ટેની ટિપ્પણી બાદ પણ બેફામ જોવા મળી રહ્યા છે. બનાસકાંઠામાં પાલનપુરમાં ફરીથી સામાજીક અંતરના ધજાગરા ઉડ્યા હતા. ટાઉનહોલના ઇ-લોકાર્પણમાં નિયમોનો ભંગ થયો હતો. આજે મુખ્યમંત્રી દ્વારા ટાઉનહોલનું ઓનલાઈન ઇ-લોકાર્પણ હતુ. સાંસદ સાથે ફોટા પડાવવા ઉમેટેલા લોકોએ પડાપડી કરી હતી. સાંસદ પરબતભાઇ પટેલ, હરિભાઈ ચૌધરીની ઉપસ્થિતમાં નિયમ ભંગ કર્યો હતો. 

સળગતા સવાલ

• હાઈકોર્ટની ટકોરની પણ નેતાઓને અસર નથી થતી?
• સાંસદ સાથે ફોટો પડાવવામાં મહામારીના નિયમ પણ ભૂલી ગયા?
• કાર્યક્રમમાં સાંસદ હાજર હતા તો તે કાર્યકરોને રોકી ન શકે?
• બનાસકાંઠામાં તાજેતરમાં જ કોરોનાના કેસ વધી રહ્યા હતા તે ધ્યાને નથી આવ્યું?
• કોરોનાનું સંક્રમણ રાહતજનક સ્તરે છે ત્યારે જ આવી બેદરકારી કેમ?
• મહામારીની ગંભીરતા નેતાઓ નહીં સમજે તો લોકો શું સમજવાના?