કોરોના વાયરસે સમગ્ર વિશ્વને ચપેટમાં લીધું છે. વિશ્વભરમાં કોહરામ મચાવનાર કોરોના અત્યાર સુધી હજારો લોકોનો ભોગ લઇ ચુક્યો છે. ત્યારે બ્રાઝીલમાં સ્ટેડીયમમાં જ ઓપન એર હોસ્પિટલ બનાવવાની નોબત આવી છે. બ્રાઝીલના સાઓ પાઉલોમાં સ્ટેડીયમને હોસ્પિટલમાં ફેરવી દીધું છે. આગામી સમયમાં હજુ બીજા સ્ટેડીયમને હોસ્પિટલમાં ફેરવવા માટે કવાયત હાથ ધરવામાં આવશે.
પાકએમ્બુ સ્ટેડીયમમાં બની ઓપર એયર હોસ્પિટલ
દુનિયામાં કોરોના વાયરસનો કહેર વધ્યો
ભારતમાં કોરોના વાયરસનાં કેસ 500ને પાર
બ્રાઝીલના સાઓ પાઉલોના પાકએમ્બુ સ્ટેડીયમને કોરોના વાયરસનાં કારણે ઓપર એયર હોસ્પિટલ બનાવી દેવામાં આવી છે. આ સ્ટેડીયમમાં 200થી વધારે બેડની સુવિધા કરવામાં આવી છે. 10 દિવસમાં આ સ્ટેડીયમ હોસ્પિટલમાં ફેરવાઈ જશે.
કોરોના વાયરસનાં કોહરામને જોતા સરકારે સ્ટેડીયમમાં અસ્પતાલ ઉભું કરવાનો નિર્ણય લીધો છે. હાલ બ્રાઝીલમાં પણ કોરોના વાયરસનો કહેર જોવા મળી રહ્યો છે. બ્રાઝીલમાં અત્યાર સુધી કોરોના વાયરસનાં 1900થી વધુ કેસ સામે આવ્યા છે. હાલ બ્રાઝીલમાં વિશ્વકપ 2014 દરમિયાન વાપરવામાં આવેલ દરેક સ્ટેડીયમને આ રીતે જ હોસ્પિટલ બનાવી દેવાની કવાયત હાથ ધરવામાં આવી છે
ભારતમાં પણ કોરોના વાયરસનો કહેર ખૂબ ઝડપથી વધી રહ્યો છે. દેશમાં લોકડાઉન અને કર્ફ્યુ જેવી પરિસ્થિતિ હોવા છતાં ઘણા લોકો કોરોના વાયરસને ગંભીરતાથી લેતા નથી અને ઘરની બહાર નીકળી રહ્યા છે. ગુજરાત પોલીસ દ્વારા આવા લોકો પર કાર્યવાહી પણ હાથ ધરવામાં આવી છે.
ભારતમાં કોરોના વાયરસના કુલ કેસ 500ને પાર જતા રહ્યા છે. દેશભરમાં જરૂરી સેવાઓ સિવાય બધી જ સેવા બંધ કરવામાં આવી છે. નિષ્ણાતોનું માનવું છે કે જો ભારતની જનતા આ વાયરસને ગંભીરતાથી નહીં લે અને જો વાયરસનું કોમ્યુનિટી ટ્રાન્સફર થવા લાગશે તો તેને રોકવું અસંભવ થઇ જશે.