અમદાવાદ / લાંભામાંથી એમબીબીએસની ડિગ્રી વગર ક્લિનિક ચલાવતો બોગસ તબીબ ઝડપાયો  

એએમસીની હેલ્થ વિભાગની ટીમે આર.એમ. વોરા નામના બોગસ ડોક્ટરની ધરપકડ કરી છે. વોરા ઘણાસમયથી હેમલ નામથી ક્લિનિક ચલાવતો હતો અને લાંભામાં એમબીબીએસની ડિગ્રી વગર એલોપેથીની પ્રેક્ટિસ કરી રહ્યો હતો. 

એલોપેથીની પ્રેક્ટિસ કરવા માટે એમબીબીએસ હોવું જરૂરી હોય છે. હેલ્થ વિભાગની તપાસમાં બહાર આવ્યું કે, આર.એમ. વોરા પાસે બિહારના કોઇ લોકલ ડિગ્રીના સર્ટિફિકેટ હતા. વોરા પાસે ફેક સર્ટિફિકેટ હોવાથી તેની ક્લિનિક સીલ મારી દેવામાં આવી છે.

જ્યારે આરોગ્ય વિભાગે તબીબને ઝડપી પોલીસને હવાલે કર્યો છે. ત્યારે પોલીસે બોગસ તબીબની ધરપકડ કરી અને દવા સહિતનો સામાન જપ્ત કરી કાર્યવાહી હાથ ધરી છે. મહત્વનું છે કે વારેતહેવારે આવા નકલી તબીબો ઝડપાય છે. જે વગર ડિગ્રીએ ક્લિનિક ખોલી દર્દીઓના આરોગ્ય સાથે ચેડાં કરતા હોય છે.