ભાજપના પૂર્વ ધારાસભ્ય કનુ કલસરિયા જોડાશે કોંગ્રેસમાં? રાહુલ ગાંધી સાથે કરશે મુલાકાત!

ભાવનગરઃ કોંગ્રેસ દ્વારા આગામી લોકસભાની ચૂંટણીમાં જીત મેળવવા માટે કવાયત શરૂ કરવામાં આવી છે. કોંગ્રેસે ભાજપના પૂર્વ ધારાસભ્ય કનુ કલસરિયાને મવાવવાના પ્રયાસ શરૂ કર્યા છે. ત્યારે હવે કનુ કલસરિયા કોંગ્રેસમાં જોડાઈ શકે છે. રાહુલ ગાંધીના ગુજરાત પ્રવાસ દરમિયાન કનુ કલસરિયા કોંગ્રેસમાં જોડાઈ શકે છે.

કોંગ્રેસ કનુ કલસરિયાને લોકસભાની ચૂંટણીમાં અમરેલીની ટિકિટ આપે તેવી શક્યતા છે. ત્યારે હવે આ મામલે કનુ કલસરિયાએ નિવેદન આપ્યુ છે કે હાલમાં કોંગ્રેસ સાથે વાતચીત ચાલુ છે. હજી સુધીમાં કોઈ નક્કર નિર્ણય લેવાયો નથી. આગામી દિવસોમાં રાહુલ ગાંધી ગુજરાતની મુલાકાતે આવશે તો કલસરિયા મુલાકાત કરી શકે છે.

ઉલ્લેખનીય છે કે ભાજપના પૂર્વ ધારાસભ્ય અને હાલ આમ આદમી પાર્ટીમાં કાર્યરત એવા કનુભાઇ કલસરિયા આપ પાર્ટી છોડે એવી સંભાવના છે. કનુભાઇ કલસરિયા વર્ષ 1997થી 2012 સુધી ભાજપમાં હતા 2012માં ભાજપ છોડ્યા બાદ વર્ષ 2014માં તેઓ આપ પાર્ટીમાં જોડાયા હતા. મહત્વનું છે કે તેઓ આપમાં જોડાયા બાદ મહુવા બેઠક પરથી વિધાનસભા ચૂંટણી લડી ચૂક્યા છે.