તમામ પાર્ટીઓ લોકસભા ચૂંટણીની તૈયારીમાં લાગેલી છે. કારણ કે થોડાક મહિના બાદ જનતા આ વાતનો નિર્ણય કરી દેશે કે એ સત્તાના સિંહાસન પર કોને બેસાડવા ઇચ્છે છે. એવામાં જનતાને આકર્ષિત કરવા તમામ પાર્ટીઓ અલગ-અલગ પ્રકારની તરકીબો અપનાવી રહી છે. કોઇ મોટા મોટા વાયદા કરી રહ્યું છે તો કોઇ પોતાના કામનો હિસાબ આપીને જનતા પાસેથી વોટ મેળવવા ઇચ્છે છે.
સત્તારૂઢ ભાજપ પણ ચૂંટણીની તૈયારીમાં લાગી ગઇ છે. જ્યારે બીજી પાર્ટીઓ પોસ્ટર અને નારા દ્વારા પ્રચાર કરી રહી છે. તો ભાજપે ચૂંટણી પ્રચાર માટે રૅપ સોન્ગ તૈયાર કર્યું છે. આ રૅપ સોન્ગ પીએમ મોદી માટે તૈયાર કરવામાં આવ્યું છે. ભાજપે આ ગીતને પોતાના સત્તાવાર ટ્વિટર અકાઉન્ટથી શેર કર્યું છે. આ ગીતમાં ગાયક મોદીના ફોટા સાથે રૅપ ગાય રહ્યો છે- બંદા અપના સહી હે.
આ ગીતના રૅપની ધુન આજે જ રિલીઝ થયેલી ફિલ્મ ગલી બોયનું ગીત અપના ટાઇમ આયેગાથી ખૂબ મળતી આવે છે. આ ગીતમાં પીએમ મોદીના કાર્યોના વખાણ કરવામાં આવ્યા છે. આ ગીત 2 મીનિટ 38 સેકન્ડનો છે. જેમાં એમના છેલ્લા પાંચ વર્ષમાં કરવામાં આવેલા કાર્યો માટે જણાવવામાં આવ્યું છે.
રૈપમાં નોટબંધી રસોઇ ગેસ પર મળતી સબ્સિડી ગામમાં વીજળી ડિજીટલ ઇન્ડિયા અને ન્યૂ ઇન્ડિયાનો ઉલ્લેખ કરવામાં આવ્યો છે. માત્ર આટલું જ નહીં રૈપમાં પીએમ મોદીના ચા વાળા હોવા માટે જણાવવામાં આવ્યું છે. એમાં ઉરી ફિલ્મના જાણીતો ડાયલોગ હાઉઝ ધ જોશ- હાઇ સરના નારા પણ લગાવવામાં આવ્યા છે.