અમેરિકાના ઈતિહાસમાં પહેલીવાર કોઈ પૂર્વ રાષ્ટ્રપતિને ક્લાસીફાઈડ્સ ઈન્ટેલિજેન્સ બ્રીફિંગ મેળવવાનો અધિકાર નહીં હોય. અમેરિકન રાષ્ટ્રપતિ જો બાયડને શુક્રવારે આ વાતની પુષ્ટિ કરી છે.
ટ્રમ્પને ગુપ્ત માહિતી આપવાનો કોઈ મતલબ નથી
ટ્રમ્પ એમ પણ ફૈક્ટ સ્લિપ કરે છે અને કંઈ પણ નિવેદન આપે છે
‘અમેરિકા ઈઝ બેક’નું એલાન કર્યું અને એક નવા યુગનો વાયદો કર્યો
ટ્રમ્પને ગુપ્ત માહિતી આપવાનો કોઈ મતલબ નથી
હકિકતમાં આ એક કર્ટસી હોય છે જે અંતર્ગત પૂર્વ રાષ્ટ્રપતિને ગુપ્ત માહિતી મળે છે. પરંતુ આ વખતે આવું કંઈ નહીં થાય. બાયડને કહ્યું કે મારુ માનવું છે કે તેમને આ રીતને ગુપ્ત માહિતી આપવાનો કોઈ મતલબ નથી. બાયડને એક ઈન્ટર્વ્યુ દરમિયાન તેમને પૂછવામાં આવ્યું કે તેમને કોઈ વાતનો ડર સતાવી રહ્યો છે. તો તેમણે કહ્યું કે હું નથી ઈચ્છતો કે કોઈ પણ અનુમાન લગાવવામાં આવે. વાત બસ એટલી જ છે કે હું નથી ઈચ્છો તો કે ટ્રમ્પને કોઈ પણ પ્રકારની ગુપ્ત માહિતી પ્રાપ્ત થાય.
ટ્રમ્પ એમ પણ ફૈક્ટ સ્લિપ કરે છે અને કંઈ પણ નિવેદન આપે છે
તેમણે કહ્યું કે હું માનું છું કે ટ્રમ્પને કોઈ પણ પ્રકારની ઈન્ટેલિજન્સ બ્રિફિંગ કરવાની જરુર નથી. તેમણે આગળ સવાલીયા અંદાજમાં પુછ્યું કે તેમને માહિતી આપવાનો શું મતલબ છે. તેમના પર કોઈ માહિતીનો શું પ્રભાવ પડે છે. તે એમ પણ ફૈક્ટ સ્લિપ કરે છે અને કંઈ પણ નિવેદન આપે છે. વ્હાઈટ હાઉસના પ્રેસ સેક્રેટરી જેન સાકીએ આ અઠવાડીયાની શરુઆતમાં આ મુદ્દાને લઈને કહ્યું હતુ કે ડોનાલ્ડ ટ્રમ્પને ખાનગી માહિતી બ્રિફ કરવામાં આવશે કે નહીં તેના પર હજું ચર્ચા ચાલું છે. કેટલાક ડેમોક્રેટિક સાંસદ અને ટ્રમ્પ પ્રશાસનના પૂર્વ અધિકારીઓને પણ ટ્રમ્પને આ પ્રકારની માહિતી આપવા માટે સવાલ ઉભા કર્યા હતા.
‘અમેરિકા ઈઝ બેક’નું એલાન કર્યું અને એક નવા યુગનો વાયદો
બાયડને ગુરુવારે પોતાનું પહેલું રાજનયિક સંબોધન કર્યું. જેમાં તેમણે ‘અમેરિકા ઈઝ બેક’નું એલાન કર્યું અને એક નવા યુગનો વાયદો કર્યો. બાયડને ભાષણમાં ચીન અને રશિયા માટે આક્રમક વલણ અપનાવ્યું તેમજ મ્યાનમારના સેન્ય નેતાઓને સત્તાપલટો ખતમ કરવા કહ્યું. બાયડને કહ્યું કે અમેરિકન નેતૃત્વને નવા પડકારોથી રુબરુ થવુ પડશે. જેમાં ચીનની વધતી મહત્વકાંક્ષા અને લોકતંત્રને નુકશાન પહોંચાડવા અને વિધ્ન નાંખનારા રશિયાનો દ્રઢ સંકલ્પ સામેલ છે. આપણે આપણા તમામ લક્ષ્યને મેળવવાનું છે. મહામારીથી લઈને જળવાયુ સંકટ અને પરમાણું પ્રસાર સુધી વૈશ્વિક પડકારોનો સામનો કરવો પડશે.