બોલિવૂડ / ટ્રોલિંગના કારણે કંટાળી આ અભિનેત્રી, કહ્યું બાળપણથી સાંભળું છું કે હું નાના કપડાં કેમ પહેરું છું? પણ હવે તો મે નક્કી કર્યું છે કે...

• બૉડીશેમિંગનાં મુદે ભડકી ઊઠી એક્ટ્રેસ
• ઓનલાઈન ટ્રોલ થયાં બાદ ભૂમિએ તોડ્યું મૌન
• કહ્યું કે આખા કપડાં પહેરું તો પણ લોકો ટ્રોલ કરે છે

એક્ટ્રેસ ભૂમિ પેડનેકરની ફિલ્મ 'થેંક્યૂ ફોર કમિંગ' 6 ઑક્ટોબરનાં રોજ થિયેટર્સમાં રિલીઝ થવા જઈ રહી છે જેને લઈને તે ખુબ ખુશ છે. ફિલ્મ પ્રમોશન્સ દરમિયાન ભૂમિ ભિન્ન-ભિન્ન જાતનાં આઉટફિટ્સમાં જોવા મળી હતી. ઘણીવખત તેમના વસ્ત્રોને કારણે તેમને ઓનલાઈન ટ્રોલ પણ કરવામાં આવ્યું છે. જો કે એક્ટ્રેસે હવે ટ્રોલર્સ અને બોડીશેમિંગ કરતાં યૂઝર્સને જવાબ આપી દીધો છે.

ભડકી ઊઠી ભૂમિ પેડનેકર
હાલમાં જ એક ઈન્ટરવ્યૂ દરમિયાન ભૂમિએ આ મુદે વાત કરતાં કહ્યું કે તમે કંઈ પણ કરી લો, લોકો તમને ટ્રોલ કરશે જ! આ ટ્રોલિંગ એક નોર્મલ ચીજ બની ગઈ છે. હું તહેવારો પર જો આખા કપડાં પહેરીને કંઈ પોસ્ટ કરું છું તો પણ લોકો મને ટ્રોલ કરે છે.

'આ તમામ ચીજોથી કોઈ ફરક નથી પડતો'
તેમણે કહ્યું કે પ્રમોશન્સ દરમિયાન અમે પાંચેય કલાકારોએ અમારા બેસ્ટ આઉટફિટ્સ પહેર્યાં હતાં. પહેલાં મને પરિવારનાં લોકો ટ્રોલ કરતાં હતાં હવે આખી દુનિયા ટ્રોલ કરી રહી છે. હું જાડી ચામડીની થઈ ગઈ છું મને આ તમામ ચીજોથી કોઈ ફરક નથી પડતો.

હવે હું થાકી ચૂકી છું- ભૂમિ પેડનેકર
'બાળપણથી ઘરમાં સાંભળતી આવી છું કે સુંદર દેખાવા માટે મારે શું-શું કરવું જોઈએ. કેટલું વજન ઘટાડવું જોઈએ. હું નાના કપડાં શા માટે પહેરું છું. દરેક બાબતનો જવાબ આપીને હવે હું થાકી ચૂકી છું. '

હવે હું નથી સાંભળતી..
ભૂમિએ કહ્યું કે, મેં જ્યારે ફિલ્મ માટે થોડું વજન વધાર્યું હતું ત્યારે પણ હું મારી પસંદનાં કપડાં પહેરતી હતી. તે સમયે પણ લોકોએ મને ખરાબ નજરે જોયું છે. કેટલાક લોકોએ તો મને ખરી-ખોટી સંભળાવી હતી પણ હવે હું નથી સાંભળતી..