ભાવનગર પોલીસની સરાહનીય કામગીરી સામે આવી છે. 11 જૂનના રોજ ભાવનગરથી ત્રણ યુવતીઓ ગુમ થઇ હતી. જેને ટુંકા સમયની અંદર પોલીસ દ્વારા શોધી લવાઇ હતી.
ભાવનગરના કુંભારવાડા મોતીતળા વિસ્તારમાં રહેતા કલર કામનો વ્યવસાય કરતા પરપ્રાંતિય પરિવારની ત્રણ દિકરીએ 11 જૂનના રોજ વહેલી સવારથી ગુમ થઇ ગઇ હતી. ત્યારબાદ પરિવાર દ્વારા બોરતળાવ પો.સ્ટેશનમાં ફરિયાદ નોંધવામાં આવી હતી.
આ મામલે એએસઆઇ ડી.એ.વાળાએ તપાસ હાથધરી હતી. ત્યારે યુવતિએ અજાણ્યા નંબર પરથી પોતાના પિતાને કોલ કર્યો હતો. ત્યારબાદ અજાણ્યા નંબર પરના કોલ લોકેશનના આધારે ડી.એ.વાળાના માર્ગદર્શન હેઠળ લખનૌથી ત્રણેય યુવતીને શોધી લેવામાં આવી હતી. ત્યારબાદ ત્રણેય યુવતીઓને તેમના ભાઇ ચંદન અને રામભાઉને મોકલી આપવામાં આવી હતી.
યુવતીઓની પૂછપરછમાં જાણવા મળ્યું કે, પિતાએ ઠપકો આપતા ત્રણેય બહેનો ઘર છોડીને ચાલી ગઇ હતી. ત્યારબાદ લખનૌથી યુવતિએ પિતાને ફોન કરતા લોકેશનના આધારે યુવતીની શોધખોળ કરાઇ હતી.
મહત્વનું છે કે, પોલીસની સરાહનીય કામગીરીના કારણે એક પિતાને તેમની ગુમ થયેલી ત્રણ દિકરીઓ પરત મળી તેવું તેમના પિતાએ જણાવ્યું હતું.