મહારાષ્ટ્રના ભંડારા જિલ્લાની એક સરકારી હોસ્પિટલમાં આગ લાગવાથી 10 નવજાત બાળકોના મોત થયા છે. આગ શોર્ટ સર્કિટના કારણે લાગી હોવાનું પ્રાથમિક અનુમાનમાં જાણવા મળી રહ્યું છે.
મહારાષ્ટ્રના ભંડારા જિલ્લામાં સરકારી હોસ્પિટલમાં આગ
નવજાત બાળકોના વોર્ડમાં લાગી હતી આગ
આગની ઘટનામાં 10 બાળકોના થયા મોત
શોર્ટ સર્કિટથી આગ લાગી હોવાનું પ્રાથમિક અનુમાન
Ten children died in a fire that broke out at Sick Newborn Care Unit (SNCU) of Bhandara District General Hospital at 2 am today. Seven children were rescued from the unit: Pramod Khandate, Civil Surgeon, Bhandara, Maharashtra pic.twitter.com/bTokrNQ28t
હોસ્પિટલમાં વહેલી સવાર 2 વાગે આ ઘટના બની હોવાનું જાણવા મળ્યું છે. જિલ્લા હોસ્પિટલની તરફથી મળતી માહિતી અનુસાર હોસ્પિટલના ન્યૂ બોર્ન નેટલ વોર્ડમાં 17 નવજાત શિશુ હતા. શનિવારે મોડી રાતે એક નર્સને વોર્ડમાંથી ધુમાડો નીકળતો દેખાયો. આ ઘટનામાં 10 બાળકોના મોત થવાના સમાચાર મળી રહ્યા છે.
આવી રીતે ઘટી ઘટના
આ ઘટના મહારાષ્ટ્રના ભંડારા જિલ્લાની છે. જ્યાં જિલ્લા હોસ્પિટલમાં મોડી રાતે શોર્ટ સર્કિટના કારણે બાળકોના વોર્ડમાં આગ લાગી હતી. તેમાં કુ 17 બાળકો હતા. મોડી રાતે નર્સનું ધ્યાન જતાં હોસ્પિટલમાં દોડધામ મચી હતી. પરંતુ બચાવ કામગીરી દરમિયાન 10 બાળકોના મોત થયા હતા અને 7 બાળકોને બચાવી લેવાયા હતા.
ફાયરબ્રિગેડે શરૂ કરી કાર્યવાહી
જાણકારી અનુસાર આ ઘટના હોસ્પિટલના સિક ન્યૂબોર્ન કેયર યૂનિટમાં બની હતી. ધૂમાડો દેખાતા ડ્યૂટી પર હાજર નર્સે SNCUનો દરવાજો ખોલી દીધો અને તરત જ હોસ્પિટલના અઘિકારીને જાણ કરી, સ્થળ પર ફાયરબ્રિગેડ આવી અને રેસક્યૂ ઓપરેશન શરૂ કર્યું હતું.
પરિવાર જનોમાં આક્રંદ
નવજાત બાળકોના દર્દનાક મોત બાદ પરિવારજનોમાં આંક્રંદ છે. તેમની સ્થિતિ ઘણી વિકટ છે. હોસ્પિટલની બહાર પણ લોકોની ભીડ જમા થઈ છે. આગ લાગવાના કારણે તપાસની માંગણી કરવામાં આવી રહી છે. લોકો ઘટનાને હોસ્પિટલની બેદરકારી ગણાવી રહ્યા છે.