ભોજન બાદ થોડો ગોળ ખાઈ લેવાથી પાચન શક્તિ વધે છે અને ખોરાક સરળતાથી પચી જાય છે. પણ શું તમે જાણો છો કે ગોળ જેટલો સ્વાસ્થ્ય માટે સારો છે એટલો જ સુંદરતા વધારવા માટે પણ કારગર છે. ગોળ બીમારીઓ સામે લડવાની શક્તિ વધારવાની સાથે સ્કિનના ડાઘ-ધબ્બાઓ દૂર કરે છે અને વાળ માટે પણ તે ગુણકારી છે. તો ચાલો જાણી જાણી લો ગોળના અદભૂત ફાયદા.
ભોજન બાદ થોડો ગોળ ખાઈ લેવાથી પાચન શક્તિ વધે છે
ગોળ સુંદરતા વધારવા માટે પણ કારગર છે
ગોળ બીમારીઓ સામે લડવાની શક્તિ વધારે છે
વાળ માટેનો ઉપાય
ગોળમાં રહેલાં વિટામિન્સ અને મિનરલ્સ વાળને ભરાવદાર અને હેલ્ધી બનાવે છે. તેના માટે 1 ચમચી ગોળ લઈ તેમાં 2 ચમચી મુલતાની માટી, અડધો કપ દહીં અને પાણી મિક્સ કરીને પેક બનાવી લો. પછી આ પેક વાળ ધોવાના 1 કલાક પહેલાં વાળમાં લગાવો. તેનાથી વાળ મુલાયમ, ઘાટ્ટા અને શાઈની બનશે.
ખીલ માટે બેસ્ટ પેક
નિયમિત રીતે ઓર્ગેનિક અથવા દેશી ગોળ ખાવાથી ચહેરાના ખીલ અને ડાઘ-ધબ્બા દૂર થાય છે. તેનો પેક બનાવીને પણ લગાવી શકો છો. તેના માટે 1 ચમચી ગોળને 1 ચમચી ટામેટાંના રસ અને અડધાં લીંબુના રસમાં મિક્સ કરી લેવું, પછી તેમાં ચપટી હળદર અને થોડી ગરમ ગ્રીન ટી મિક્સ કરો. આ પેક ચહેરા પર લગાવી 15 મિનિટ પછી ધોઈ લો.
લોહીને સાફ કરે છે ગોળ
લોહીમાં ખરાબી હોય તો સ્વાસ્થ્ય અને સ્કિન સંબંધી ઘણાં પ્રોબ્લેમ્સ થઈ શકે છે. જેથી ગોળ લોહીને સાફ રાખવાની સાથે એનિમિયાનો રોગ પણ દૂર કરે છે. લોહી સાફ હોવાથી ચહેરા પર એક્ને, ફોલ્લી, ખીલ થતાં નથી. જેથી રોજ થોડો ગોળ ખાવો. જે લોકો ઓવરવેટ અથવા ડાયાબિટીસના દર્દી છે તેમણે ગોળ ખાતાં પહેલાં ડોક્ટરની સલાહ લેવી.