અમદાવાદ / શિયાળાની શરુઆત, જ્યુસની લારી અને બગીચાઓમાં કસરત કરનારાઓની સંખ્યા વધી

• અમદાવાદમાં શિયાળાની સવાર સાથે ઘુમ્મસની ચાદર
• વહેલી સવારથી જોવા મળ્યું ધુંધળું વાતાવરણ
• ઘુમ્મસ ભર્યા વાતાવરણથી વિઝિબિલિટી ઓછી થઈ હતી

મોર્નિંગ વોક, યોગા અને કસરત કરનારાઓની સંખ્યા વધી

શિયાળાની શરૂઆત થઇ ગઈ છે. અચાનકથી વાતાવરણમાં પલટો થયો છે.  હાલ લોકોને ગુલાબી ઠંડીનો અહેસાસ થઈ રહ્યો છે. ત્યારે વહેલી સવારે લોકો યોગ અને કસરત કરી રહ્યાં છે. તંદુરસ્તી મેળવવા માટે શિયાળાની સિઝનને શ્રેષ્ઠ માનવામાં આવે છે. વાતાવરણમાં પણ ઠંડી અનુભવાઈ રહી છે. બગીચાઓમાં મોર્નિંગ વોક કરનારાઓની ભીડ જોવા મળી હતી. બીજી તરફ હેલ્થી જ્યુસની લારીઓ પર પણ ભીડ જોવા મળી હતી.

ધુમ્મસનાં કારણે વાહનચાલકોને તકલીફ પડી

અમદાવાદમાં શિયાળાની સવાર સાથે ધુમ્મસની ચાદર છવાઈ ગઈ છે. વહેલી સવારથી વાતાવરણમાં ધુમ્મસ જોવા મળી રહ્યું છે. ત્યારે ધુમ્મસભર્યા વાતાવરણથી વિઝિબિલિટી પણ ઓછી થઇ ગઇ છે. જેના કારણે વાહનચાલકોને હાલાકી પડી રહી છે. મોડી રાત્રે હવામાં ભેજવાળું વાતાવરણ હોવાનાં કારણે વાહનચાલકોને તકલીફ પડી હતી.