અરવલ્લીના માલપુરના અણિયોર નજીક એક કારને સ્થાનિકો દ્વારા ઉભી રખાવી તેમાં તપાસ હાથ ધરતા કારમાંથી વિદેશી દારૂ મળી આવ્યો હતો.
માલપુરના અણિયોર પાસેથી દારૂ ભરેલી કાર ઝડપાઇ
માલપુર પોલીસ ઘટનાસ્થળે પહોંચી તપાસ હાથ ધરી
ઘટના સ્થળ પર લોકોના ટોળે ટોળા ઉમટ્યા
અરવલ્લીના માલપુરના અણિયોર નજીક એક કારમાં વિદેશી દારૂ આવતો હોવાની માહિતી સ્થાનિક ગ્રામજનોને મળતા સ્થાનિકો વોચ રાખીને બેઠા હતા. ત્યારે એક કાર ત્યાંથી પસાર થતા સ્થાનિકો દ્વારા કારને ઉભી રાખી તેમાં તપાસ હાથ ધરતા દારૂ હોવાનું માલુમ પડ્યું હતું. ત્યારે આ વીડિયો સોશિયલ મીડિયામાં વાયરલ થતા હોબાળો મચી જવા પામ્યો હતો. ત્યારે સ્થાનિકો દ્વારા કાર ઉભી રખાવતા કાર ચાલક ફરાર થઈ ગયો હતો. કારમાં ભાજપ સંગઠન પ્રમુખ હોવાનું પણ હાજર લોકો દાવો કરી રહ્યા છે. સ્થાનિક લોકો દ્વારા કાર રોકી તેમાં તપાસ હાથ ધરતા કારમાં દારૂ હોવાનું માલુલ પડ્યું હતું. સ્થાનિકો દ્વારા આ બાબતે ઝપાઝપી કરતા કાર ચાલક ત્યાંથી રવાના થઈ ગયા હતા.
માલપુર પોલીસે ઘટના સ્થળે પહોંચી તપાસ હાથ ધરી
અરવલ્લીના માલપુર નજીક સ્થાનિકો દ્વારા કારને રોકી તેમાં તપાસ હાથ ધરતા કારમાંથી દારૂની બોટલો મળી આવી હતી. ભાજપ સંગઠન પ્રમુખ રાજુ પટેલ ત્યાં કાર મુકીને રવાના થઈ ગયા હતા. જીલ્લા ભાજપ સંગઠન પ્રમુખ પાયલોટિંગ કરતા હોવાના આક્ષેપ પણ સ્થાનિકો દ્વારા કરવામાં આવી રહ્યા છે. ત્યારે સ્થાનિક યુવાનો દ્વારા કારને પોલીસને સોંપી હતી. માલપુર પોલીસે ઘટના સ્થળે પહોંચી તપાસના ચક્રોગતિમાન કર્યા છે. ત્યારે સ્થાનિકો દ્વારા પકડવામાં આવેલ કારમાં દારૂની છે કે પાણીની બોટલ તે અંગે પોલીસે તપાસ હાથ ધરી છે. ત્યારે આ સમગ્ર ઘટનાનો વીડિયો સોશિયલ મીડિયામાં વાયરલ થવા પામ્યો હતો.