- યુપીના કાનપુરમાં આ તો કેવી ધર્માંધતા?
- પડોસમાં રહેતા યુવકે ધર્મ પરિવર્તનની આપી લાલચ
- બજરંગદળના કાર્યકર્તાઓએ જય શ્રી રામના નારા બોલાવડાવ્યા
ઉત્તરપ્રદેશના કાનપુરમાં રહેતી રાની નામની એક મહિલાએ આરોપ લગાવ્યો હતો કે, તેમના પાડોશમાં રહેતા વિધર્મી યુવકે તેમને ધર્મપરિવર્તન માટે દબાણ કરે છે. અને ધર્મપરિવર્તન કરાવા બદલ 20 હજાર રૂપિયાની લાલચ પણ આપી છે. આ મામલે મહિલાએ પોલીસ મથકમાં અને ઉચ્ચ અધિકારીઓને પણ ફરિયાદ નોંધાવી હતી. પરંતુ મહિલાની ફરિયાદ પર પોલીસે કોઈ કાર્યવાહી ન કરી હોવાના આક્ષેપો લાગ્યા હતા. આ પછી મહિલાએ ખુદ બજરંગના કાર્યકરોની મદદ લીધી હતી.
મહિલાએ બજરંગ દળને કરી ફરિયાદ
સમગ્ર મામલો બજરંગદળને જણાવ્યો હતો. વાતની જાણ થતા બજરંગદળના કાર્યકરોએ યુવકને ઘરમાંથી બહાર કાઢી ઢોર માર માર્યો હતો. આ સાથે વિધર્મી યુવકના મોઢે જય શ્રીરામના નારા પણ લગાવડાવ્યા હતા. જો કે, પોલીસ પણ ઘટનાસ્થળે પહોંચી હતી. પરંતુ કોઈ કાર્યવાહી માટે નહીં. પરંતુ તમાશો જોવા માટે પોલીસ પહોંચી હોય તેમ બજરંગદળ પર એક્શન લીધા નહોતા.
બજરંગ દળના કાર્યકરોએ વિધર્મી યુવકને ઢોર માર માર્યો
એક મહિલાની ફરિયાદ પર બજરંગદળના કાર્યકરોએ વિધર્મી યુવકને માર માર્યો હતો. અને મૂકપ્રેક્ષક બનેલી પોલીસના હવાલે યુવકને કર્યો હતો. જો કે, એ પહેલા બજરંગદળના કાર્યકરોએ યુવકને બેરહેમીથી માર માર્યો હતો. તો ઉપરથી બજરંગદળના કાર્યકરોએ પોલીસ પર આક્ષેપ લગાવ્યા હતા. અને કહ્યું કે, મહિલાની ફરિયાદ પછી પણ પોલીસે ધર્મપરિવર્તન મામલે કોઈ કામગીરી કરી નહોતી
ઉત્તર પ્રદેશની ચૂંટણીના બ્યૂગલ ફુંકાઈ ચૂક્યા છે ત્યારે ધર્મ પરિવર્તનનો મુદ્દો ફરી ચગી રહ્યો છે. યુવકને તેના ઘરની બહાર લાવી ઢસેડી ઢસેડીને માર મારવામાં આવ્યો બાદમાં યુવકને જય શ્રી રામના નારા બોલવા મજબૂર કરવામાં આવ્યો. ઉત્તર પ્રદેશના કાનપુરમાં ધર્માતરણના મુદ્દે વિરોધ કરતાં બજરંગદળના કાર્યકર્તાઓએ ખુલ્લે આમ કાયદાના લીરે લીરા ઉડાવ્યા, બજરંગદળના કાર્યકર્તાઓએ ધર્માંતરણના આરોપી બતાવવામાં આવી રહેલા યુવકને ઘરમાંથી પકડ્યા બાદમાં ઢોર માર મારવામાં આવ્યો. આ વખતે આરોપીઓ દ્વારા યુવકની મરજી વિરુદ્ધ જય શ્રી રામના નારા બોલાવવામાં આવ્યા. સૌથી વધુ શરમજનક વાત તો એ છે કે, આ બધુ જ કાનપુર પોલીસની સામે થઈ રહ્યું હતું. પોલીસ બસ કાયદાની ધજજીયા ઊડતી હતી અને તે તમાસો જોઈ રહી હતી.
