- રામ ભક્તોની લગભગ 500 વર્ષની લાંબી રાહનો આજે અંત આવ્યો છે.
- બીજી તરફ મેક્સિકોના ક્વેરેટારો શહેરમાં શ્રી રામની પ્રાણ પ્રતિષ્ઠા કરવામાં આવી.
- મેક્સિકોના ક્વેરેટારો શહેરને તેનું પ્રથમ ભગવાન રામ મંદિર મળ્યું છે.
રામ ભક્તોની લગભગ 500 વર્ષની લાંબી રાહનો આજે અંત આવ્યો છે. અયોધ્યાના રામ મંદિરમાં રામલલાની પ્રાણ પ્રતિષ્ઠા થઈ ગઈ છે અને દરેક ભારતીય આ ઐતિહાસિક ક્ષણના સાક્ષી બન્યા છે. ભગવાન શ્રી રામ અત્યારે અયોધ્યામાં બિરાજમાન થઈ ગયા છે.
આ દરમિયાન રવિવારે મેક્સિકોના ક્વેરેટારો શહેરમાં પહેલા રામ મંદિરમાં ભગવાન શ્રી રામની પ્રાણ પ્રતિષ્ઠા કરવામાં આવી હતી. આ પ્રાણ પ્રતિષ્ઠા અમેરિકન પૂજારી દ્વારા કરવામાં આવી હતી. જણાવી દઈએ કે મંદિરમાં સ્થાપિત ભગવાન શ્રી રામની પ્રતિમા ભારતથી લાવવામાં આવી છે.
પ્રાણ પ્રતિષ્ઠા દરમિયાન ભગવાન શ્રી રામના સ્તોત્ર સાથે વિધિ પૂર્ણ કરવામાં આવી હતી. આ વિશે માહિતી આપતા મેક્સિકોમાં ભારતીય દૂતાવાસે સોશિયલ મીડિયા હેન્ડલ પર લખ્યું અયોધ્યામાં 'પ્રાણ પ્રતિષ્ઠા' સમારોહ પહેલા, મેક્સિકોના ક્વેરેટારો શહેરને તેનું પ્રથમ ભગવાન રામ મંદિર મળ્યું છે.”
ભારતીય દૂતાવાસે વધુમાં માહિતી આપી હતી કે "'પ્રાણ પ્રતિષ્ઠા' સમારોહ એક અમેરિકન પૂજારી દ્વારા મેક્સિકન યજમાનો અને ભારતમાંથી લાવવામાં આવેલી મૂર્તિઓ સાથે કરવામાં આવ્યો હતો. સમગ્ર હોલમાં NRI દ્વારા ગાયેલા ભજનો અને ગીતોની ગુંજ સાથે વાતાવરણ દિવ્ય ઊર્જાથી ભરાઈ ગયું હતું.
વધુ વાંચો: કેનેડામાં મોટું એલાન, ફ્રાંસમાં રથયાત્રા અને USમાં લાઈવ પ્રસારણ: અયોધ્યા રામ મંદિર માટે દુનિયાભરમાં ઉત્સાહ
આ તરફ અયોધ્યામાં ભગવાનના બાળ સ્વરૂપને સંપૂર્ણ ધાર્મિક વિધિઓ સાથે પ્રાણ પ્રતિષ્ઠા કરવામાં આવ્યું હતું. આ દરમિયાન રામલલાની મૂર્તિની ખૂબ જ ખાસ તસવીરો સામે આવી છે. શણગારેલી મૂર્તિમાં ભગવાનનું સમગ્ર સ્વરૂપ જોઈ શકાય છે. તસવીરમાં રામલલા કપાળ પર તિલક સાથે ખૂબ જ નમ્ર મુદ્રામાં જોવા મળે છે.
