બિહારના ગયા જિલ્લામાં કંઈક અલગ જ જોવા મળ્યું. અહીં સ્કૂલમાં માત્ર વિદ્યાર્થીઓ જ નહીં પરંતુ શિક્ષકો પણ એક જ ડ્રેસમાં આવે છે. આ સરકારી શાળા અન્ય ઘણા લોકો માટે પ્રેરણા બની છે.
બિહારના ગયામાં અનોખી સ્કૂલ
વિદ્યાર્થીઓ સાથે શિક્ષક પણ યુનિફોર્મમાં આવે છે
સરકારી શાળા લોકો માટે બની પ્રેરણા
શાળામાં આપણે ઘણીવાર વિદ્યાર્થીઓને યુનિફોર્મમાં આવતા જોયા છે. પરંતુ શિક્ષકો યુનિફોર્મમાં નથી હોતા. બિહારના ગયા જિલ્લામાં કંઈક અલગ જ જોવા મળ્યું છે. અહીં સ્કૂલમાં માત્ર વિદ્યાર્થીઓ જ નહીં પરંતુ શિક્ષકો પણ એક જ ડ્રેસમાં આવે છે. આ સરકારી શાળા અન્ય ઘણા લોકો માટે પ્રેરણા બની છે. જ્યારે વિદ્યાર્થીઓ શાળામાં યુનિફોર્મમાં આવતા નથી ત્યારે શિક્ષક તેમને ઠપકો આપે છે અને માત્ર યુનિફોર્મમાં જ આવવાનું કહે છે. આ શાળામાં બધા યુનિફોર્મમાં આવે છે.
Bihar | Teachers along with students come to school in uniform in a govt middle school under the Naxal-affected Banke Bazar block of Gaya district (10.07) pic.twitter.com/o82c1pWhUp
શિક્ષકો શાળામાં પહેરીને આવે છે યુનિફોર્મ
આ શાળા બિહારના ગયા જિલ્લાના નક્સલ પ્રભાવિત વિસ્તારમાં આવેલી છે. બાંકે બજાર બ્લોકમાં એક સરકારી માધ્યમિક શાળામાં શિક્ષક યુનિફોર્મમાં જોવા મળે છે. જ્યારે શાળાના વિદ્યાર્થીઓ આસમાની શર્ટ, ડાર્ડ બ્લ્યૂ પેન્ટ અથવા સ્કર્ટમાં દેખાય છે.
ત્યાંજ શિક્ષકો ગુલાબી રંગના શર્ટ અને કાળા રંગના પેન્ટ પહેરે છે. આ શાળાના સિનિયર વિદ્યાર્થીઓ સફેદ શર્ટ અને કાળું પેન્ટ પહેરે છે. શિક્ષકો અને વિદ્યાર્થીઓ દરરોજ આ ડ્રેસમાં શાળાએ આવે છે. શિક્ષકો પણ શાળાના ડ્રેસમાં આવતા હોય તેવું ભાગ્યે જ જોવા મળે છે.
ટ્વિટર પર તસવીરો થઈ રહી વાયરલ
ન્યૂઝ એજન્સી ANIએ ટ્વિટર પર ઘણી તસવીરો શેર કરી છે. ફોટો શેર કરતા કેપ્શનમાં લખ્યું છે કે, 'ગયા જિલ્લાના નક્સલ પ્રભાવિત બાંકે બજાર બ્લોકમાં આવેલી સરકારી માધ્યમિક શાળામાં વિદ્યાર્થીઓ સાથે શિક્ષકો યુનિફોર્મમાં શાળામાં આવે છે.' અન્ય એક ટ્વિટમાં અહીંના પ્રિન્સિપાલે શાળા વિશે વધુ વિગતો આપી છે.
We had a meeting with all the teachers, guards & cooks of the school where we decided that not only students but also the teaching & other staff should come to school in uniform. I decided to provide the first set of uniform from my private funds: Nageshwar Das, Principal (10.07) pic.twitter.com/c4trbRo6Q0
સ્કૂલના પ્રિન્સિપલે કહી આ વાત
પ્રિન્સિપાલ નાગેશ્વર દાસે લખ્યું, 'અમે શાળાના તમામ શિક્ષકો, ગાર્ડ્સ અને રસોઈયાઓ સાથે બેઠક કરી હતી, જ્યાં અમે નક્કી કર્યું હતું કે માત્ર વિદ્યાર્થીઓ જ નહીં પરંતુ શિક્ષકો અને અન્ય સ્ટાફે પણ યુનિફોર્મમાં જ શાળામાં આવવું જોઈએ. મેં મારા અંગત ભંડોળમાંથી યુનિફોર્મનો પહેલો સેટ આપવાનું નક્કી કર્યું.