ચકચાર / નવસારીમાં કોંગ્રેસી MLA અનંત પટેલ પર હુમલો, અડધી રાતે 5 હજારથી વધુના ટોળાએ પંચાયત પ્રમુખની દુકાનમાં કરી તોડફોડ

• નવસારી કોંગેંસ MLA અનંત પટેલ પર હુમલો 
• ખેરગામમાં અંદાજિત 5000 હજારથી વધુ લોકો એકઠા થયા 
• ટોળાએ જિલ્લા પંચાયત પ્રમુખની દુકાનમાં કરી તોડફોડ

ગુજરાત કોંગ્રેસના વાંસદાના ધારાસભ્ય અનંત પટેલ પર હુમલો થયો હોવાનું સામે આવતા ખળભળાટ મચી જવા પામ્યો છે. કોંગી ધારાસભ્ય અનંત પટેલ ખેરગામમાં યોજાનાર કાર્યક્રમમાં હાજરી આપવા જઇ રહ્યા હતા આ વેળાએ તેમના પર હુમલો કરવામાં આવ્યો હતો.ખેરગામની બજારમાં ધારાસભ્યની કાર પર અને ધારાસભ્ય પર હુમલો કરવામાં આવતા જિલ્લાનું રાજકારણ ગરમાયું છે. ભાજપ દ્વારા હુમલો કરાયો હોવાના આરોપ લાગી રહ્યા છે. વધુમાં ખેરગામમાં અંદાજિત 5000 હજારથી વધુ લોકો એકઠા થયા હતા અને ટોળાએ જીલ્લા પંચાયત પ્રમુખ ભીખુભાઇ આહીરની દુકાનમાં પણ તોડફોડ કરી આંગ ચંપી હોવાનું પણ જાણવા મળી રહ્યું છે.

ખેરગામની બજારમાં કોંગેંસ MLA અનંત પટેલ પર હુમલો
બહેજ ગામમાં અનંત પટેલ જ ચાલે તેવો ગરબો ગાવામાં આવ્યો હતો અને આ વેળાનો વીડિયો પણ મોટાપાયે વાયરલ થયો હતો અને તે મામલે વિવાદ પણ સર્જાયો હતો. જોકે વિવાદ બાદ વીડિયો વાયરલ કરનારે પણ માફી માગી હતી. એક ચર્ચા એવી પણ આવે છે કે બહેજમાં ગરબામાં ગવાયેલા ગીતને લઈને હુમલો કરવામાં આવ્યો હતો. જોકે કોણે અને કેમ હુમલો કર્યો તે અંગે હજુ કોઈ સતાવાર રીતે કારણ સામે આવ્યું નથી. આ મુદ્દો ચોરે અને ચોકે ગાજ્યો છે.

અનંત પટેલના સમર્થકોએ સુત્રોચ્ચાર કરીને વિરોધ ઠાલવ્યો
આ ઘટનાને લઇને કોંગ્રેસના ધારાસભ્ય અનંત પટેલને આંખમાં ગંભીર ઈજા પહોંચી હતી. એટલું જ નહી અનંત પટેલ પર બીજી વખત હુમલો કરાયો હોવાનું સામે આવતા અનંત પટેલના સમર્થકોએ સુત્રોચ્ચાર કરીને વિરોધ ઠાલવ્યો હતો. પરંતુ ગુજરાતમાં વિધાનસભાની ચૂંટણી માથે છે. ત્યારે રાજકારણમાં આવી ઘટનાઑમાં ચિંતા જનક ઉછાળો આવ્યો છે, વડોદરામાં આમ આદમી પાર્ટીના રોડ શોમાં વિરોધ અને સૂત્રોચાર તથા ભાજપ અને આપના કાર્યકરો વચ્ચે ઘર્ષણ થયું હતું. આમ એક જ દિવસમાં આવી બે ઘટના સામે આવતા સવાલો ઊભા થયા છે.