ચેતવણી / અમદાવાદમાં મોરબી જેવી ઘટનાની રાહ જુએ છે તંત્ર..! અટલ ફૂટ ઓવર બ્રિજ પર સેફ્ટીના નામે મીંડુ, ક્યારે જાગશે તંત્ર

• અમદાવાદના અટલ ફૂટ ઓવર બ્રિજ પર સેફ્ટીના નામે મીંડુ
• અટલ બ્રિજ પર મુલાકાતીઓની સંખ્યાને લઈ નથી કોઈ મર્યાદા
• દુર્ઘટના સર્જાય તો બ્રિજ પર ઈમરજન્સી રિસ્પોન્સની નથી વ્યવસ્થા

મોરબીમાં ઝૂલતા બ્રિજ પડવાની દુર્ઘટના બાદ રાજ્યના અન્ય સ્થળો પર આવેલા બ્રિજોને લઇને પણ સવાલો ઉઠ્યા છે ત્યારે હાલમાં જ અમદાવાદના રિવરફ્રન્ટ ખાતે ખુલ્લો મુકવામાં આવેલા અટલ ફૂટ ઓવર બ્રિજ પર પણ મોટી સંખ્યામાં લોકો મુલાકાત લઇ રહ્યાં છે. બ્રિજનું લોકાર્પણ પીએમ મોદીએ કર્યુ હોવાથી દેશભરમાંથી લોકો અટલ બ્રિજની મુલાકાતે પહોંચી રહ્યાં છે. ઘણી વખત તો બ્રિજ પર પગ મુકવાની પણ જગ્યા નથી હોતી ત્યારે મોરબી જેવી દુર્ઘટના અન્ય કોઇ સ્થળે ન સર્જાઇ તે માટે સાવચેતીના પગલા લેવાવા જોઇએ પરંતુ અટલ બ્રિજ ખાતે આવી કોઇ કામગીરી જોવા મળતી નથી. અટલ ફૂટ ઓવર બ્રિજ પર પણ સેફટીના નામે મીડું જણાઈ રહ્યું છે.

અટલ ફૂટ ઓવર બ્રિજ પર સેફ્ટીના નામે મીંડુ
મોરબીમાં બનેલી દુર્ઘટનાએ સૌને હચમચાવી દીધા છે. આ દુર્ઘટના સર્જાયા પછી રાજ્યના વિવિધ ફૂટ ઓવર બ્રિજને લઈ સવાલો ઉઠી રહ્યાં છે. મોરબીમાં ઝૂલતા બ્રિજ તૂટવાને લઈ અનેક સવાલો તો ઉઠી રહ્યાં છે સાથે સાથે રાજ્યના અનેક બીજા પણ આવા ફૂટ ઓવર બ્રિજને લઈ પણ સવાલ ઉઠી રહ્યાં છે. અમદાવાદ ખાતેના અટલ ફૂટ ઓવર બ્રિજ પર પણ સેફ્ટીના નામે મીંડુ જણાઈ રહ્યું છે. કોઈ દુર્ઘટના સર્જાય તો ફૂટ ઓવર બ્રિજ ખાતે ઈમરજન્સી રિસ્પોન્સની કોઈ વ્યવસ્થા પણ નથી. અમદાવાદ સ્થિતનો અટલ બ્રિજ ખાતે મુલાકાતીઓની સંખ્યાને લઈ કોઈ પણ પ્રકારની મર્યાદા પણ નથી. દિવાળીના વેકેશનના દિવસોમાં મોટી સંખ્યામાં લોકો ઉમટી રહ્યાં છે. જેને લઈ ફરી કોઈ દુર્ઘટના ન સર્જાય તે મહત્વનું છે. 

સેફ્ટીને લઈ તંત્ર ક્યારે જાગશે
અટલ ફૂટ ઓવર બ્રિજ પર સેફ્ટીના નામે મીંડુ છે. જો દુર્ઘટના સર્જાય તો ફૂટ ઓવર બ્રિજ ખાતે ઈમરજન્સી રિસ્પોન્સની કંઈ પણ વ્યવસ્થા નથી. જો નિદ્રાધીન તંત્ર દુર્ઘટના પહેલા જાગી અને સેફટીને લઈ યોગ્ય પગલા ભરે તો મોરબી જેવી દુર્ઘટના બનતી રોકી શકાય છે. અમદાવાદની સાબરમતી નદી પર અટલ ફૂટ ઓવર બ્રિજ બનાવવામાં આવ્યો છે જ્યા તંત્ર દ્વારા ટિકિટના દર પણ નક્કી કરાયા છે. બ્રિજનું સંચાલન અમદાવાદ મનપા દ્વારા કરવામાં આવી રહ્યું છે પરંતુ જો મોરબી જેવી દુર્ઘટના સર્જાઇ તો સાવચેતીના ભાગરૂપે કેવી વ્યવસ્થા છે એ જાણવા પ્રયાસ કર્યો હતો પરંતુ બ્રિજ ખાતે માત્ર ટિકિટ ચેકિંગ માટે જ બ્રિજની બંન્ને છેડે 2-2 સિક્યુરિટી ગાર્ડ રાખવામાં આવ્યા છે તેને બાદ કરતા કોઇ પણ રેસ્ક્યૂ કે સુરક્ષા મુદ્દે કોઇ વ્યવસ્થા નથી. અટલ બ્રિજ ખાતે કેટલી સંખ્યામાં લોકોને પ્રવેશ આપવો તે પણ નક્કી નથી કરાયુ ત્યારે અમદાવાદ મનપા સામે પણ સવાલ ઉઠી રહ્યાં છે કે શું કોઇ દુર્ઘટના બાદ જ તંત્રની આંખ ઉઘડશે કે બોધપાઠ લઇને અમદાવાદ મનપા દ્વારા કોઇ વ્યવસ્થા ગોઠવી અને આગમચેતીના પગલા લેવાશે.